ایرانین امک ناظرلیگی اؤلکه گنجلرینین ۳۰%-نین نه ایشلدیی، نه ده تحصیل آلدیغی باره‌ده معلومات یاییب.

آخار. آذ خبر وئریر کی، نازیرلیین ایستاتیستیکا و ایستراتژی معلوماتلار مرکزینین حاضیرلادیغی حساباتا اساساً، بو کاتقورییایا اؤلکه‌نین ۱۵-۲۴ یاش‌لی گنجلری داخیلدیر.

دیرلندیرمه‌یه اساساً، آغیر عائله-معیشت شرایطینه رغما، عائله‌ده یاشلیلار و یا اوشاقلارا باخماق مجبوریتینه گؤره، ایشله‌یه بیلمه‌یه‌ن، خسته گنجلر، ائلجه ده جدی مالییه پروبلمی اولمایان، لاکین ایش آختاران گنجلر قید ائدیله‌ن کاتگورییایا داخیلدیرلر. اونلار ایشله‌مه‌مکله باربر، تحصیل ده آلمیرلار.

ایشسیزلیک ایران اهالیسی، خصوصاً ده گنجلر آراسین‌دا ان بؤیوک پروبلملردن بیریدیر. اؤتن ایل یاییلان ایستاتیستیکالاردا کرمانشاه ایالتی ۱۶.۴% گؤستریجی ایله ایشسیزلیین ان یوکسک اولدوغو بؤلگه کیمی گؤستریلمیش‌دی. کهگلویه و بویر-احمد، ائلجه ده سیستان و بلوجیستان ایالتلری مووافیق اولاراق ۴.۹ و ۴.۷%-لیک گؤستریجی ایله ایشسیزلیین ان چوخ آرتدیغی بؤلگه‌لر اولموش‌دولار.

دیگر طرفدن، آپاریلمیش آراشدیرمالار گؤستریر کی، ایرانین ایشسیز اهالی‌سینین عمومی سایی ۲۳۷ مین نفر آرتاراق، ۳ میلیون ۳۲۶ مین نفره چاتیب.