بیر قروپ گونئی آذربایجان‌لی اوشاق تبریزین ارک قالاسینین اؤنونه توپلاشاراق وطنیمیزین مادی-معنوی وارلیغینین محو ائدیله‌رک سیرادان چیخاریلماسینا اعتراض بیلدیریبلر.

آخار. آذ خبر وئریر کی، تورک دیلین‌ده یازیلمیش پلاکاتلار قال‌دیران اوشاقلار گونئی آذربایجان‌دا تاریخی خزینه‌لریمیز، سولارین چیرکلندیریلمه‌سی، اطراف موحیطه وورولان زیان و مده‌نلرین تالانماسینا اعتراض ائدیبلر.

ارک قالاسی اؤنون‌ده قال‌دیریلان پلاکاتلارا «تاریخی خزینه‌لریمیزی ساخلایین»، «سولاری بولاندیرمایین» و «آغاجلاری کسمیین» کیمی سؤزلر یازیلیب.

اوشاقلار «آنا دیلین‌ده مدره‌سه» یازیلمیش پلاکات دا نوماییش ائتدیریب، اونلار بو شکیل‌ده مکتبلرده تورک دیلینین تدریس اولونماسینی طلب ائدیبلر.

اونلار همچینین دونیا خریته‌سی اوزرینه "اوشاقلار گونو موبارک اولسون، اوزلری همیشه گولوش‌لو اولسون" یازیب.

ب ام ت-نین باش مجلیسینین ۴۴-جو سسییاسین‌دا ۲۰ نویابر ۱۹۸۹-جو ایل تاریخین‌ده قبول ائدیلمیش اوشاق حقوقلاری کونونسییاسینین اوشاقلارین فیکیرلرینی سربست ایفاده ائتمک حقوقونون تعمین اولونماسینا دایر ۱۳-جو ماده‌سی قبول ائدیلمیش‌دیر. موقاویله نویابرین ۶-دا ب ام ت باش آسامبلئیاسی طرفین‌دن تصدیقلنیب و بوتون اؤلکه‌لر طرفین‌دن (آمریکا و سومالی استثنا اولماقلا) ایمزالانیب.

ایران پارلامنتی مقاویله‌نی ۱۹۹۴-جو ایل مارتین ۱-ده ایمضالاسا دا، بو گونه قدر سندین مودعالارینین حیاتا کئچیریلمه‌سی اوچون هئچ بیر عملی آددیم آتماییب.