اوکتیابرین ۹-او اورمودا اوچ میللی آکتیویستین غربی آذربایجان ویلایتینین تجدید نظر محکمه‌سینین بیرینجی شعبه‌سین‌ده نعیم محبوبینین حاکم‌لیگی ایله محکمه پروس=سی کئچیریلیب.

براعت آلان آذربایجان میللی فعاللاری امیر ستاری، اولدوز قاسمی و جواد احمدی یکانینین پرونده‌لری (دوسیالاری) اورمو دادستان معاوینینین حکمه اعتراض ائتمه‌سی سببین‌دن یئنی‌دن اینجلنیب.
تبریز حبسخانا مسئوللاری اورادا ساخلانیلان امیر ستارینین محکمه‌یه قاتیلماسینا ایزن وئرمدیکلری اوچون او، اورمو محکمه ایجلاسین‌دا ایشتیراک ائده بیلمه‌ییب.

حاکم محبوبی ایسه اولدوز قاسمی و جواد احمدینین تورک دیلین‌ده یازدیغی مدافعه سندینی قبول ائتمک‌دن ایمتینا ائدیب.

خاطیرلاداق کی، بو اوچ میللی آکتیویست ۲۰۰۶-جی ایلده (۱۳۸۵) باش وئره‌ن گونئی آذربایجان قیامی ایله الاقدار سولدوز شهرین‌ده شهید دوشه‌نلرین ۱۱-جی ایل دؤنومو عرفه‌سین‌ده امنیت قوه‌لری طرفین‌دن ساخلانیلیب، داها سونرا گیروو قارشیلیغین‌دا آزاد بوراخیلمیش‌دیلار.