مرندده آوتومبیلین آشماسی نتیجه‌سین‌ده یول-نقلیات حادثه‌سی باش وئریب.

بو بارده مرند پلیس کماندیری کاظیم دهقانی معلومات وئریب.

معلوماتا گؤره، مرندین میلاد شهرکین‌ده تاکسی کیمی فعالیت گؤستره‌ن «سمند» مارکالی ماشین آشیب:

«تأسف کی، آوتومبیلین سوروجوسو حادثه یئرین‌ده‌جه اؤلوب. ماشین‌دا اولان ۳ سرنیشینی یارالانیب. یارالیلار تجی‌لی تیببی یاردیم ماشینی ایله خسته‌خانایا چاتدیریلیب. قزایا سوروجونون سرعت حدینی پوزماسی سبب اولوب. نتیجه‌ده سوروجو آوتومبیله ایداره ائتمه‌نی ایتیریب و ماشین آشیب»، – دهقانی بیلدیریب.

قید ائدک کی، ۲۵۰ مین اهالی‌سی اولان مرند شهری شرقی آذربایجانین مرکزی اولان تبریزین ۷۰ کیلومتر شیمال-غربین‌ده یئرلشیر.