ایران ایسلام رسپوبلیکاسینین آذربایجان‌داکی سفیری جواد جهانگیرزاده آکادئمیک واسیم مممدلیئوین وفاتی ایله باغلی باشساغ‌لیغی وئریب.

آخار. آذ باشساغلیغینین متنینی تقدیم ائدیر:

«گؤرکه‌م‌لی آکادمیک، فارس و عرب دیللری اوزره مشهور عالیم، تانینمیش قوران آراشدیرماچی‌سی اوستاد واسیم مممدلیئوین وفاتی بیزی سارسیت‌دی. بو ایتکی مناسیبتیله آذربایجان دؤولتینه و خالقینا، مرحومون عائله‌سینه و یاخینلارینا صمیمی قلبدن باشساغ‌لیغی وئریرم. بو بؤیوک شخصیتین سوراغی آذربایجان حدودلارین‌دان چوخ-چوخ کنارا چیخمیشدی. او، یاریم عصردن چوخ علمی فعالیتینی موسلمانلارین مقدس کیتابی اولان قورانی-کریمین تدقیقینه حصر ائتدی و اونون قورانین آذربایجان دیلینه ترجمه و تفسیری آذربایجان خالقی اوچون ایفتیخارلی و ابدی اثردیر.

ایران ایسلام رسپوبلیکاسی چوخ عزیز بیر دوستونو ایتیرمیش‌دیر و هئچ شوبهه‌سیز بو بؤیوک عالیمین وفاتی آذربایجانین علمی، ادبی و دینی جامیه‌سی اوچون ده ساغالماز یارادیر. الله اونون روحونو اؤز رحمتینه قوووش‌دورسون و آخیرت دونیاسین‌دا اونا معنوی درجه‌لر بخش ائتسین!»