ایران‌دا تورکییه‌نین سورییانین شیمالین‌دا حیاتا کئچیردیی «باریش پیناری» آنتی‌ترور عملیاتینا مناسیبت بیرمعنالی دئییل.

آخار. آذ خبر وئریر کی، گونئی آذربایجان‌لیلار عملیاتا دستک وئردیی حال‌دا، رادیکال کورد طرفدارلاری و او جمله‌دن بیر چوخ سیاسی فعال سورییانین شیمالین‌داکی ترورچولاری دستکلییر.

گونئی آذربایجان «تراختور» فوتبول کومانداسینین اویونچوسو مهدی ببری تورک عسگرلرینین شکیلی ایله بیرلیکده تورکییه بایراغینی اینستاقرام صحیفه‌سینده یایدیقدان سونرا، او رادیکال قوه‌لرین هجومونا معروض قالیب. آذربایجان کومان‌داسینین اویون‌چوسونا آبادان «صنعت نفت» کومانداسینین کورد کؤکنلی اویون‌چوسو سیروان قوربانی ده تحقیرآمیز بیر پوست پایلاشاراق جواب وئریب. بو سبب‌دن فوتبول فدراسییاسینین اخلاق کمیته‌سی آدینی چکدییمیز فوتبول‌چولاری ایدمانا علاقه‌سی اولمایان پوست پایلاشماق‌دا گناهلاندیریب. اخلاق کمیته‌سی یایدیغی بیانات‌دا قید ائدیب کی، هر ایکی اویونچونون فوتبول فعالیتینه موقتی اولاراق قاداغا قویولور، اونلار کلوب مسئوللاری ایله بیرلیکده کمیته‌یه مراجعت ائتمه‌لیدیر.