گونئی آذربایجانین اورمییا شهرینین ایران پارلامنتین‌ده‌کی میللت وکیلی هادی باهادوری پکک/یپگ-پید ترور قروپلاشمالارینی دستکله‌یه‌ن ایران پارلامنتینین کورد کؤکه‌ن‌لی دپوتاتلارینی سرت تنقید ائدیب.

آخار. آذ خبر وئریر کی، «مجلیس و آذربایجان» آگئنتلیینین یایدیغی معلوماتا گؤره، «باریش پیناری» عملیاتینا ایکینجی دفعه موناسیبت بیلدیره‌ن میللت وکیلی ترورچو قروپلاشمالارین طرفدارلارینا کسکین مئساژلار اونوانلاییب.

«بیزیم اؤلکه‌میزین اساس پریوریتئتی تروریزم و ترورچو قروپلاشمالارا قارشی مباریزدن عبارتدیر. سون ۱۰-۱۵ ایل عرضین‌ده آمریکا بیرلشمیش ایشتاتلاری طرفین‌دن دستکلنه‌ن ترورچو قروپلاشمالار ایسلام اینقیلابینین بیرینجی ایللرین‌ده «کومله» و «دموکرات» آدلاری ایله جینایت تؤردیردیلر. بو گون ایسه ترورچولار ایشید، «القایده»، «پژاک» و پ.کا.کا شکیلین‌ده میدانا چیخیب. بوتون حاللاردا بیزیم اوچون اساس مسئله اونلارا قارشی موباریزه آپارماق‌دیر.

تأسفلر اولسون کی، بعضی همکارلاریمیز هله‌لیک مقصدی تام آیدین اولمایان آچیقلامالارلا چیخیش ائتدیلر. لاکین اونلار بیزیم سرحدچیلریمیز گناهسیز یئره اؤلدورولنده و یا ترورچولار پارلامنتیمیزه هجوم ائتدیی زامان بو شکیلده چیخیش ائتمه‌دیلر!»- دئیه او بیلدیریب.