حقوق مدافعه‌چیلرینین بیلدیردیینه گؤره، اینسان حاقلاری وکیلی محمدرضا فقیهی اوکتیابرین ۲۰-ده اردبیل پروکورورلوغونا مراجعت ائتدیی زامان نظارت آلتینا آلینیب.

آخار. آذ-این معلوماتینا، وکیلین هانسی سببله ساخلانیلدیغینا دایر معلومات یوخ‌دور. فقیهینین ساخلانیلدیغی گونون سحر ساعتلاریندا اردبیل حبس خاناسیندا تانینمیش سیاسی محبوس عباس لیسانی ایله گؤروشدویو بیلدیریلیر.

«پروکورور معاوینی نونهال طرفیندن چاغریلدیغی اوچون اردبیل پروکورورلوغونا مراجعت ائد‌ن فقیهی ساخلانیلاراق نامعلوم مکانا گؤندریلیب. او، تورک فعال عباس لیسانینین ایشی ایله باغلی ایرانین عالی محکمه‌سینه مراجعت ائتمه‌یه حاضرلانیردی.

عباس لیسانینین حبس مدتی ۸ ایلده‌ن ۱۵ ایله آرتیریلدی

ایرانین آزسایلی اینسان حاقلاری وکیللریندن بیری اولان محمدرضا فقیهی اوزون ایللردیر کی، ایرانین موختلیف محکمه‌لرینده سیاسی محبوسلاری مدافعه ائتمکله مشغول‌دور. او، بیر چوخ سیاسی و ویجدان محبوسونو محکمه‌لرده پولسوز مدافعه ائدیب.