آذربایجان هاوا یوللارینا مخصوص آن-۱۲ یوک تییاره‌سینین افقانیستان‌دا قزایا اوغراماسی باره‌ده معلومات یاییلیب.

آخار. آز خبر وئریر کی، معلوماتی «آویاسییا هئرالد» تیراژلاییب. بیلدیریلیر کی، قزا نتیجه‌سین‌ده طیاره‌ده‌کی یئددی هئیت عضوو هلاک اولوب.

معلوماتا گؤره، آن-۱۲ افغانیستانین هلماند چایی یاخینلیغین‌دا، قارمشیر بؤلگه‌سین‌دن افغغانیستانین معلوم اولمایان دیگر بیر نقطه‌سینه یوک داشیییرمیش.

آزال-دان سایتیمیزا بیلدیریلیب کی، حادثه ۲۰۱۶-جی ایلده باش وئریب:

«یاییلان معلوماتلا تانیشیق. بو حادثه ۱۸ مای ۲۰۱۶-جی ایلده باش وئریب. آذربایجان دؤولت مولکی آویاسییا آدمینیستراسییاسی (آدماا) حادثه ایله باغلی رس‌می معلومات دا یاییب. ۱۸ مای ۲۰۱۶-جی ایلده، باکی واختی ایله تخمیناً ساعت ۱۸:۳۰-دا دوایئر هاوا لیمانین‌دان اوچوش زامانی قزا باش وئرمیشدی. طیاره بین الملل اکیپاژ طرفین‌دن ایداره اولونوب. هئیته اؤزبکیستان (کاپیتان)، اوچ اوکراینا و بئش نفر آذربایجان وطنداشی داخیل ایدی.

اکیپاژین ۷ عضوو هلاک اولموش‌دو، ایکی اوکراینا وطنداشی اولان ائکیپاژ عضوو ایسه ساغ قالمیش‌دی.

بو حادثه‌نین ۳ ایل یاریم‌دان سونرا یئنی خبر کیمی یاییلماسی تعجب‌لودور».