مهندیس محمد عبداللهییان شیرکته یالنیز یئرلی اولمایان ایشچیلرین جلب اولوندوغونو ایفشا ائتدیی اوچون ورزیقانین سونگون میس معدنینه بوراخیلمیر.

آخار. آذ خبر وئریر کی، م. عبداللهییان سونگون میس معدنینین رسمی ایشچی‌سی اولدوغو حال‌دا بؤلگه‌نین پروبلملرینه بیگانه قالمایان سویداشلاریمیزدان بیریدیر. او پنسییایا چیخانلارین تقاعدلری آراسین‌داکی فرق و کهنه ایشچیلرین قالیغ امک حاقینین لغو اولونماسی، ان اساسی ایسه شیرکته یالنیز یئرلی اولمایان ایشچیلرین جلب اولوندوغونو ایفشا ائتدیی اوچون شیرکت مسئوللارینین غضبینه توش گلیب.

معلوماتا گؤره، سونگون میس معدنینین مدیری رضا شریفی ورزیقانین سؤزده میللت وکیلی رضا علیزاده‌نین «یاشیل ایشیق» یاندیرماسی ایله مهندیس م. عبداللهییانین شیرکته گیریشینه قاداغا قویوب.