ایرانین گنجلر و ایدمان ناظرینین جاوانلارلا ایش اوزره موعاوینی مهممدمئه‌دی توندقویان ائولی‌لیک اوچون وئریله‌ن کرئدیتلرین مبلغینین آرتیریلماسین‌دان سونرا اؤلکه‌نین موختلیف بؤلگه‌لرین‌ده آزیاش‌لی قیزلارین نیکاها داخیل اولما سایینین ۴ دفعه چوخالدیغینی دئییب.

آخار. آز-این معلوماتینا گؤره او بیلدیریب کی، مده‌نی و اقتصادی جهت‌دن خئیری گئری‌ده قالان اؤلکه‌نین بعضی نقطه‌لرین‌ده ائولی‌لیک کرئدیتین‌دن ۱۵ یاش‌دان آشاغی اوشاقلارین، خصوصیله ده قیزلارین بیر نؤو آلینیب- ساتیلماسی اوچون ایستیفاده اولونور.

رس‌می ائولی‌لیک اوچون آیریلان کرئدیت مبلغینین آرتیریلماسینی تنقید ائدیب، بونون گنجلرین عائله قورماسینا کؤمک ائتمدیینی، عکسینه داها چوخ اجتماعی پروبلئملره یول آچدیغینی دئییب.

«جاوانلار کاسیب‌لیق سببین‌دن کرئدیتی اؤد‌یه بیلمدیکلری حال‌دا، تکجه کرئدیت مبلغینین آرتیریلماسی کیفایت دئییل. اونلارین هم ایشله‌ییب، کرئدیتی گئری قایتارا بیلمه‌لری اوچون ده شرایط یارادیلمالی‌دیر، هم ده بو خوسوس‌دا معین یاش کاتئقورییاسی تطبیق ائدیلمه‌لی‌دیر»،- دئیه مهممدمئه‌دی توندقویان علاوه ائدیب.

او، سون‌دا بیلدیریب کی، کرئدیتی الده ائده بیلمک اوچون، حتی ۴۰- ۴۵ یاش‌لی آداملار دا یئنی‌دن ائوله‌نمه‌یه جهد گؤستریرلر.