خالخالین شاهرود رایونون‌دا تورپاق سوروشمه‌سی باش وئریب.

بو باره‌ده شاهرودون رایون باش‌چی‌سی حمدوللاه نقیب ایرنا-یا مصاحیبه‌سین‌ده معلومات وئریب. معلوماتا گؤره، حادثه نتیجه‌سین‌ده ۲ نفر اؤلوب:

«بو حادثه یئنی تیکیله‌ن قیشلاقتیل و قولوزان کندلرینین اوچیول آیریجین‌دا باش وئریب. حادثه باره‌ده معلومات الده ائد‌ن قیرمیزی آیپارا جمعیتی و تعجیلی یاردیم ایشچیلری اولای یئرینه گلیب. ماشین‌دان جسدلر چتین‌لیک‌لی چیخاریلیب. سوروجولردن خواهیش ائدیریک کی، سؤزوگئدن یولون تعمیر ایشلری بیتمیینجه، بو یول‌دان ایستیفاده ائتمه‌سینلر».

قید ائدک کی، خالخالین شاهرود رایونو اردبیلین جنوبون‌دا، گیلان و زنجان اوستانلارینین قونشولوغون‌دا یئرلشیر.