اردبیلین قودس کؤرپوسو دمیر اولمادیغی اوچون یاریم‌چی‌لیق قالیب.

آخار. آز خبر وئریر کی، بو سؤزلری اردبیل شهر شوراسینین ری‌سی دئییب. او، بو قرار اوچون ۲۲ میلیارد تومه‌ن بودجه‌نین اؤدنیلدیینی سؤیله‌ییب:

«شهردارینین املاکینی هرراج یولو ایله ساتماق ایستییریک. اونون پولو ایله قودس کؤرپوسونه لازیم اولان قالان دمیرلرینی آلاق. آنجاق دمیرچیلردن هئچ بیری یئر و مولک قارشین‌دا دمیر ساتمیر. بو کؤرپونو بیتیرمه‌یه ۲۰ میلیارد تومه‌ن‌لیک دمیر آلماق لازیم‌دیر. اوموروق کی، اوستان ایله اؤلکه مسئوللاری بو ایشده بیزه یاردیم‌چی اولسونلار. قودس کؤرپوسونون کولونگو ۳ ایل یاریم‌دی وورولوب. بو لاییحه‌نین گئدیشاتی بیر نئچه آیدیر قئیری-معین دوروم‌دادیر. شهرین اهالی‌سینی بون‌دان آرتیق اینجیتمک و اینتیزاردا قویماق اولماز. پودرات‌چی ایله بیرینجی آنلاشمانین دیری ۴۸ میلیارد تومه‌ن ایدی و ایندیدک یاری‌سی اؤدنیلیب».

موقاویله باغ‌لانان گونلر دمیرین هر کیلوقرامی ۱۲۵۰ تومه‌ن ایدی. آنجاق اقتصادی چتین‌لیکلر و بازاردا ثابت‌سیزلیک‌دن قیمتلر بیردن-بیره ۴ دفعه باهالاش‌دی. بئله‌لیکله، قودس کؤرپوسونون پودرات‌چی زرر ائتمه‌یه مجبور اولدو. کئچه‌ن گونلرده حسن روحانی‌دن اردبیل سفرین‌ده ۳۵ میلیارد تومه‌ن پول ایستمیشیک، اینشاللاه اؤد‌نیلر. بو قرار گلن ایلین یاری‌سینا قدر باشا چاتیب، میللتین ایستیفاده‌سینه وئریلر. اونلار بو باره‌ده آرتیق ایختیارات وئریلمه‌لی‌دیر کی، بو پروبلئ‌می حل ائده بیل‌سینلر».

ماراق‌لی‌دیر کی، مسئوللار بئله مسئله‌لرده اللرینین باغلی اولماسین‌دان گیلئی‌لنیرلر. اما موغانین کئشتی صنعتینین هر کو. مئتر-i چوخ اوجوز قیمته تئهران‌داکی اربابلارینین تاپشیریغی ایله ساتان‌دا میللتین اعتراضلارینا قارشی اؤزلرینی قانونی اولاراق ایختیار صاحبی بیلیرلر.