آنا صحیفه توپلوم |
بین الخالق عفو تشکیلاتی ۲۰۰۹-جو ایل سئچکیلریندن سونراکی اعتراضلاردا اؤلدورولهن مصطفی کریم بئیقینین آناسی، ائوین زیندانیندا حبس چکن شاهناز اکملینی آزاد ائتمهیه چاغیریب.
آخار. آذ خبر وئریر کی، بونونلا باغلی تشکیلات آچیقلاما وئریب.
بیلدیریلیب کی، شهناز اکمهلی دینج اینسان حاقلاری فعالیتینه، ۲۰۰۹-جو ایل اعتراضلاریندا اؤلدورولهنلرین عائلهلرینی دستکلدیینه و مدنی-سیاسی فعاللاری مدافعه ائتدیینه گؤره حبس ائدیلهن ویجدان محبوسودور.
آچیقلامادا، ایران حاکمیتینین شهناز اکملینین حؤکمونو لغو ائتمهیه و اونو درحال، قید-شرطسیز آزاد ائتمهیه چاغیریش ائدیلیب.
قید ائدک کی، مصطفی کریمبیگینین آناسی نویابر اعتراضلاریندا اؤلنلردن پویا بختیارینین عائلهسی ایله گؤروشدوکدن سونرا تهران عمومی و اینقیلاب محکمهسینین ایجرا اوفیسی طرفیندن ش.اکمهلییه چاغیریش گؤندریلیب. بو چاغیریشا اساساً، ۱ ایللیک حبس حکمونون ایجراسی اوچون ائوین حبسخاناسینا گلمهسی طلب اولونوب. حکم اینقیلاب محکمهسی طرفیندن «رژیم علیهینه تبلیغ» اتهامی ایله چیخاریلیب و آپلیاسییا محکمهسی حکمو تصدیقلهییب.
تاریخ
2020.01.18 / 19:28
|
مولف
Axar.az
|