قزوین ایالتینین باش بایتارلیق ایداره‌سی داباغ خسته‌لیینین یاییلماسی ایله باغلی خبردارلیق ائدیب.

آخار. آذ خبر وئریر کی، بونونلا باغلی گنج موخبیرلر کلوبونون ایالتلر اوزره قروپو قزوین‌دن معلومات یاییب.

خبردارلیق‌دا مالدارلارین داباغ خستلیینین یاییلماسینین قارشی‌سینی آلماق اوچون گیگیئنیک توصیه‌لره جدی یاناشمالی اولدوغو بیلدیریلیب.

«سون گونلر عرضین‌ده قونشو ایالتلرین اینک و داوار مال-قارالارینین بؤیوک سای‌دا داباق خسته‌لیینه یولوخدوقلاری مشاهیده اولونوب. بو خسته‌لیین بؤلگه‌ده یاییلماسی بئله مال-قارالار صاحبلرینه بؤیوک اقتصادی زیانلار ووروب. ویروسون موالیجه‌سی اولمادیغی اوچون واختین‌دا واکسیناسییا ائتمکله خسته‌لیین یارانماسی و یاییلماسینین قارشی‌سینی آلا، یاخود نظارت‌ده ساخلاماق اولار. قزوین ایالتی خیردابوینوزلو مال-قارالارین واختین‌دا واک‌سیناسییا ائتمه‌یه باشلاماق و ایریبوینوزلو مال-قارالارین واک‌سیناسییاسی پروگرامینی حاضرلاماقلا، ایندییه کیمی بو خسته‌لیک اوزره اساس پروبلئملرله اوزلشممیش‌دیر. لاکین مالدارلارا توصیه ائدیریک کی، بو خسته‌لیین قارشی‌سینی آلینماسی اوچون گیگیئنیک قارانتییا نورمالارینا رعایت اولونماسی، مال-قارالارین گیریش و چیخیشلارینا نظارت، ائل‌جه ده مال-قارا توپ‌لوسونون تئزلیکله واک‌سین اولونمالارینا تدبیر گؤرملیدیرلر»، – دئیه قزوین ایالتینین باش بایتارلیق ایداره‌سینین ساغلاملیق ایشلری اوزره معاوینی کهلر بیلدیریب.

او، همچینین، مالدارلارا بیلدیریب کی، سندی اولمایان مال-قارالارین حیواندارلیق ساحه‌سینه گیریشینین قارشی‌سینی آلمالی و معین سبب‌دن تلف اولمالار یاراندیق‌دا، مال-قارادا آخساما، آغیز یارالاری گؤردوکده یارانمیش حاللاری یوباتمادان بایتارلیغا مراجعت ائتسینلر.