روسییانین فدرال تلویزییا کانالینین آرخیوین‌دن تاپیلمیش ۲۰۱۳-جو ایله عایید گؤرونتولر سوسیال شبکه‌لرده گنیش مذاکیره اوبیکتینه چئوریلیب.

آخار. آذ خبر وئریر کی، ۹ یانوار ۲۰۱۳-جو ایلده «روسییا ۱» تله‌کانالین‌دا نماییش اولونان «ایمپرییانین عسگری» سندلی فیلمین‌ده مشهور روسییالی یازی‌چی و ژورنالیست آلئکساندر پروخانوو قافان‌دا آذربایجان‌لیلارین نئجه تحقیرلره، ایشگه‌نجه‌لره معروض قالمالاری و دوغما تورپاقلارین‌دان قووولمالاری فاکتلارین‌دان صحبت آچیب.

«ارمنیستان-آذربایجان، داغلیق قاراباغ مناقیشه‌سین‌دن بیر مدت اول منه ارمنیستانا، داها دقیق دئسه‌م، آذربایجان‌لیلارین کومپاکت یاشادیغی قافان شهرینه گئتمک نصیب اولدو. محض اورادا من ارمنی وحشی‌لیکلرینی اؤز گؤزلریمله گؤردوم. ارمنیلر آذربایجان‌لیلاری اینجی‌دیر، حتی اونلاری سودان بئله ایستیفاده ائتمه‌یه ایمکان وئرمیردیلر. اونلاری دؤیه-دؤیه، اؤلدوره-اؤلدوره قافان‌دان قوودولار. بو فاجعه ایلک ائتنیک تمیزله‌مه ایدی. آذربایجان‌لیلار – اوشاقلار، حامیله قادینلار، یاش‌لی اینسانلار، کیشیلر – آیاق‌یالین، آج، سوسوز قارین اوستون‌ده قالاراق دونموشدولار. اونلار اؤز دوغما یورد-یووالاریندان، تورپاقلارین‌دان، کندلریندن، باغلاریندان قووولدو»، - مشهور یازیچی قید ائدیب.

او بیلدیریب کی، بون‌دان سونرا قاراباغ محاربه‌سی باشلاییب، ارمنیلر آذربایجان‌دان آیریلماق، بو آذربایجان اراضی‌سینی اله کئچیرمک قرارینا گلیبلر:

«گورباچووون چیرکین سیاستینین قربانی اولان دهشتلی بیر محاربه... او دئمیشدی کی، قوی بو ضدیتلری محاربه گئدن رسپوبلیکالار و خالقلار اؤزلری حل ائتسینلر. بو، چوخ بؤیوک بیر سهو و جینایت ایدی».