چینین شانخای شهرین‌ده کوروناویروس (۲۰۱۹-نجوو) دیاقنوزو قویولموش خسته معالیجه ائدیلیب.

آخار. آذ خبر وئریر کی، صحبت کوروناویروس پنئومونییاسی دیاقنوزو قویولموش ۵۶ یاش‌لی قادیندان گئدیر. او، بیر مدت ویروسون یاییلماغا باشلادیغی اوخان شهرین‌ده یاشاییب. یانوارین ۱۰-دا اؤزونو پیس حس ائد‌ن قادین ۵ گون سونرا خسته‌خانایا یئرلشدیریلیب. اونون حالی تدریجا یاخشیلاشماغا باشلاییب. ۵۶ یاشلی خسته‌نین حرارتینین ۶ گون بویونجا نورما سوییه‌سینی کئچمدیینی گؤره‌ن حکیملر اونو یئنی‌دن یوخلانیش‌دان کئچیریب. حکیملر ویروسون آرادان قالدیریلدیغی قناعتینه گلیبلر. قادین آرتیق خسته‌خانادان بوراخیلیب.

خاطیرلاداق کی، چینین اوخان شهرین‌ده یاییلان کوروناویروسا یولوخانلارین سایی ۸۳۰-او اؤتوب، اؤلنلرین سایی ایسه ۲۶-یا چاتیب. یولوخما حاللاری همچینین سینگاپور، جنوبی کورئیا، تایلاند، یاپونییا و آبش-دا قیده آلینیب. ویروسون یاییلماسی ایله علاقدار اوست تعجیلی ایجلاس کئچیریب و بوتون اؤلکه‌لره ویروسون یاییلماسینا حاضر اولماغی توصیه ائدیب.