Axar.az
یوخاری
21 فئورال 2020


باسقیلارین سببی ایران حاکمیتینین تورک دیلینه باخیشی‌دیر-شاهین خیاولی

آنا صحیفه توپلوم
12 Punto 14 Punto 16 Punto 18 Punto

سون واختلار ایرانین محکمه و تهلوکه‌سیزلیک قووروملارینین خصوصیله تهران ویلایتین‌ده فعالیت گؤستره‌ن تورک فعاللار و ناشیرلره قارشی تطبیق ائتدیی باسقیلار آرتماق‌دادیر.

آخار. آذ خبر وئریر کی، حقوق مدافعه‌چی‌سی شاهین خیاولی مصاحیبه‌سین‌ده دئییب کی، ایران‌دا تورکجه‌یه قارشی مؤوجود اولان تهلوکه‌سیزلیک باخیشینین داوام ائتدیی مدت‌ده "باسقی، حبس و ایشگه‌نجه سیاستی" ده داوام ائد‌جک.

بیر ده کی، میدان حرکاتلارین‌دا پوتنسیال اولاراق افکتیو اولان فعاللاری حبس ائد‌رک، ایران رژیمی بو بؤلگه‌لرده داها جدی و بؤیوک اعتراضلاری اؤنله‌مک اوچون تدبیر آلیر.
اؤتن هفته‌لرده تهران‌دا تورکجه کیتاب نشر ائد‌ن «اندیشه نو» نشریاتینین کیتاب ماغازاسی، هابئله تکدرخت نشریاتینین قاپادیلیب، صاحبی احسان شوکرخودایینین حبس ائدیلدیینه دایر خبرلر یاییلیب.

همچینین دیل حاقلاری فعاللاری علیرضا فرشی، اکبر آزاد، بهنام شیخی و حمید منافی تهران‌دا ۲ ایل حبس و علاوه اولاراق ۲ ایل سورگون جزاسینا محکوم ائدیلرکه‌ن، الیرزا فرشی و حقوق مدافعه‌چی‌سی اکبر نعیمی نظارت آلتینا آلینیبلار.

شاهین خیاولینین سؤزلرینه گؤره، «ایرانین تمامین‌دا اعتراضلارین حیاتا کئچیریلدیی شهرلرده توتولانلار اولور. بو توتولانلارین ایچین‌ده اولا بیلر کی، تورک فعاللار دا اولسون. و یا تورک اولوب، اما میللی فعالیتی اولمایان اینسانلار دا اولسون. اما، بونون خاریجین‌ده تورکلره قارشی هر زامان اؤزل بیر باسقی دا وار. ایران‌دا اعتراضلارین هان‌سی فورمادا اولدوغونا باخمایاراق حاکمیتین تورکلره قارشی بو مؤوقئیی ثابت‌دیر.»

تهران محکمه‌سی تورک فعاللارا حبس و سورگون جزاسی وئریبپ

او، خصوصیله تهران‌دا ایران حاکمیتینه قارشی یئنی‌دن ووسعت آلان اعتراضلارا دقت چکه‌رک دئییر کی، «بئله دوروملاردا خصوصیله کئچمیش‌ده توتولوب محاکیمه اولونان آکتیویستلرین دوسیه‌سی آکتیولشدیریلیر. بیر ده کی، میدان حرکاتلارین‌دا پوتنسیال اولاراق افکتیو اولان فعاللاری حبس ائد‌رک، ایران رژیمی بو بؤلگه‌لرده داها جدی و بؤیوک اعتراضلاری اؤنله‌مک اوچون تدبیر آلیر.»

بو باسقیلارا و توتولانلارا باخان‌دا بونلارین هامی‌سینین اورتاق مخرجی تورک دیلی‌دیر. یعنی اساس مسئله بو دیله اولان تهلوکه‌سیزلیک باخیشی‌دیر. بو باخیشین وار اولدوغو مدتجه، بو باسقی، حبس و ایشگه‌نجه ده داوام ائد‌جک
دیل حاقلاری مدافعه‌چیلری و ناشیرلره قارشی تطبیق ائدیله‌ن باسقیلاری اؤنه چکه‌ن خیاولی حساب ائدیر کی، ایران‌دا حاکمیت و دیگر سیاسی قروپلارین تورک دیلی و کیملیینه قارشی منیمسدیکلری «تهلوکه‌سیزلیک باخیشی» مؤوجود اولدوغو مدت‌ده بو باسقیلار دا داوام ائد‌جک.

«بو باسقیلارا و توتولانلارا باخان‌دا بونلارین هامی‌سینین اورتاق مخرجی تورک دیلی‌دیر... ایران‌دا رضا شاهین حاکمیته گلمه‌سی ایله قورولان سیستم بو دیلی هدف آلمیش‌دیر. همین سیستمین فرق‌لی وئرسییاسی ایندی ایران‌دا داوام ائدیر. یعنی اساس مسئله تورکجه‌یه اولان تهلوکه‌سیزلیک باخیشی‌دیر. بو باخیشین وار اولدوغو مدتجه، ائله بو باسقی، حبس و ایشگه‌نجه ده داوام ائد‌جک،» حقوق مدافعه‌چی‌سی ایفاده ائدیر.

«تهران‌دا بؤیوک بیر تورک نوفوسو وار و تهران ۹۰-جی ایللردن سون زامانلارا قدر میللی حرکاتین قالالارین‌دان بیری‌سی اولموشدور. او ایللردن بری بیز تهران‌دا طلبه حرکاتینی و طلبه‌لرین تشکیل ائتدیی تدبیرلری گؤروروک. ائله بو قاپادیلان اندیشه نوو کیتاب ائوی همین ایللردن بری تهران‌داکی تورک آکتیویستلرین دوشونجه مرکزی کیمی رول اوینامیشدیر،» شاهین خیاولی علاوه ائدیر.

تاریخ
2020.01.25 / 11:48
مولف
Axar.az
شرح لر
دیگر خبرلر

اورمییا اونیورسیتتینین اؤیرنجیلری سئچکیلرله باغلی بیانات یایدی

ارمنیلر قاراباغ‌دا قبیرلریمیزی بئله داغیدیر - فوتو

تورک عالیملر آنتارکتی‌دادا علمی آراش‌دیرمالار آپاراجاق

تورک دیلی فارسجادان ۴۵ دفعه اوستون سایان گونئی‌لی عالیم

نووروزدا تهران، تبریز، مشهد و اصفهان‌دان باکییا چارتر ریسلری باشلاییر

سهند معالی سراب زیندانین‌دان آزادلیغا بوراخیلدی

گونئی‌لی یازی‌چی منصور زئینال‌زاده حبس جزاسینا محکوم ائدیلدی

سولدوزدا ۱۱ نامیزد گئری چکیلدی، بیرلیک یارادیلدی - آذربایجانلی فعال

ایران‌دان باکییا یئنی رئیسلر آچیلیر

خزر دنیزین‌ده زلزله اولدو

خبر خطّی
 
Axar.az'da reklam Bağla
Reklam
Bize yazin Bağla