آغلار‌گولر (قوچ، فروردین): بو هفته مالی مسائل اوزره قدرت صاحبی اولان ارگان و یا کیمسه لر، و یا رئیسیز ایله سورونلار یاشایا بیلرسیز. بو قونودان نه قدر راحاتسیز اولساز دا یئنه بو راحاتسیزلیغین سیزه اوستون گلمهسینه اذن وئرمهیین. طالعیزدن آسیلی اولاراق، توپلومسال ایلیشگی لریز گئنیشلنمک حالدا دیر. بو هفته چئورزده سئوینج چوخدور و گوندم ایشلردن لذت آپاریرسیز. نهایت ده مالی دوروموز بیر مسأله¬دن اولوملو اولاراق ائتگیلنهجک. بوتون فرصتلری دیرلندیرین.

گولن‌آی (بوغا، اردیبهشت): دولت، رئیس والدین و یا اؤزل آدام لارلا ایلتیشیم لرده راحات سیزلیغیز اولاجاق. دوشونجه لریزی اولومسوز قارشیلاماق سیزی اومودسوز ائده بیلر. آنجاق اؤزگورلوک حس ائتمه ییزدن دولایی دانیشیب، اؤزوزدن دفاع ائده بیلرسیز. قورخمایین ایش قونوسوندا طالعیز سیزه یاردیم ائده جک و بو قونودا سیزی ایرلی لره آتاجاق. سیزده باشاردیغیز قدر منفعت¬لریزی نظرده توتون و هئچ بیر فرصتی الدن وئرمه یین. بوغا¬لار نهایتده اوغورلار قازاناجاق¬لار.

قیزاران آی (ائکیزلر، خرداد): یاشامیزدا اوز وئرن اولای¬لاردان خبرسیز گؤرونورسوز. هرزاد پرده آرخاسیندا دیر و بو سیزه آشیری استرس وئریر. بو دورومو دوزلتمه¬گه تله¬سین. استرسی یئنمک اوچون، هرزادی بوراخین و زامانا تاپشیرین. باشاریلاریزا دایاناراق چوخلو منفعت الده ائده بیلرسیز. هر نه اولور اولسون، سویوق قانلی اولمالی و دوشونجه¬لریزدن دفاع ائتمه¬لی¬سیز. باشقالاری نه قدر آرخازدا چالیشسالاردا یئنه، سیزین اوستون باشاریلاریز و یارادیجیلیغیزی ائتگی¬لندیره بیلمییه¬جکلر.

قورا پیشیرن (یئنگج، تیر): بو هفته بیر عده¬نین ثروت و یا باشقا قونولاردا اولان قازانج¬لارینی گؤرنده، اؤزوزده اولان اسکیک¬لری داها آرتیق دویوب، آنلایاجاقسیز. چوخ دویغوسال داورانیرسیز آنجاق کیمسه¬یه سیزی کوچومسه¬مک اذنی وئرمه¬یین. بیر یولداش سیزی چوخ غفیل¬لندیره¬جک. بلکه بوندان سونرا او سیزه بیر یولداش کیمی یوخ، بیر سئوگیلی کیمی یاخین¬لاشدی. بیمه، اورتاق مال¬لار و بورج¬لار حاقدا چتین¬لیک چکه¬جکسیز. آماج¬لاریزی دوز تعیین ائده بیلسز یاخجی اولار.

قویروق دوغان (آسلان، مرداد): هفته¬نین ایلک گون¬لری والدین، رئیس و قدرت صاحیبی اولان انسان¬لارلا اولومسوز بیر دورومدا اولاجاقسیز. بلکه سیزین¬له امکداشلیق ائتمه¬دیلر و یا حتی سیزی محدودلاشدیردیلار. قورخمایین بو دوروم اؤتری دیر. بلکه بو داورانیش¬لارین بعضی¬سینه قارشیلیقلی و صبیرسیز داورانیش¬لاریز اولدو. طالعیزدن آسیلی اولاراق تانیش¬لارلا شیرین و خوش زمانیز اولاجاق. گنل اولاراق بو هفته پشمانلیق گتیرن بیر ایش گؤرمه¬یین و بیر سؤز دئمه¬یین.

زومار (باشاق، شهریور): بو هفته چئوره¬ز و دونیادان آلدیغیز خبرلردن اوزگون اولا بیلرسیز. بو خبرلر اساسیندا سفر قونوسوندا بیر تصمیم توتمالی اولاجاقسیز. یا بیر یئره گئتمه¬لی و یا بیر سفری کنسل ائتدیز. بو هفته داها اوغورلو اولماق اوچون چوخ چالیشیرسیز و والدین، رئیس و اؤزل آدام¬لاری ائتگی-لندیرمک فکرینده¬سیز. سیزین باشاری و یارادیجی¬لیغیز آلقیشلامالی دیر. هامی سیزی سئویر و سیزین گؤردوگوز یئتنک¬لردن خوشلانیر. بو دوروم سیزه اولوملو انرژی وئریر.

خزل (ترازی، مهر): بو هفته مالی دوروموز سیخینتی¬لی گؤرونور، ارث، مالیات، بورج و اورتاق مال-لارین دورومو سیزی اومودسوز ائده بیلر. بو دورومون ایچینده گؤزلنیلمز بیر دوروم سیزی چوخ غفیل-لندیریب، سئویندیره¬جک. بلکه الدن وئردیگیز پولو بیر داها اله گتیره بیلدیز. هر نه اولور- اولسون سیز بو دورومدا احتیاط لی اولمالی¬سیز. یعنی نه سیخینتی¬لاردان چوخ اوزولون و نه سئویندیریجی دوروم¬لاردان آشیری سئوینین. یاشاییش بوتون بو ائنیش- یوخوش¬لاردان عبارت دیر.

قیروو (عقرب، آبان): هفته¬نین ایلک گون¬لری ایلیشگی و اورتاقلیق¬لار سیخیجی اولا بیلر. بلکه بیر ایلیشگینی سونا یئتیرمک فکرینده¬سیز. آرامیشیزی حفظ ائلیین. هر بیر ایلیشگی ده بو دویغولار یاشانا بیلر. ائوده قالماق اؤزو- اؤزلوگونده چتین بیر چالیشما حساب اولور، هله نه قالسین کی، بئله بیر زمان¬لار آدام بیر- بیری ایله گئچینمک مجبوریتینده دیر. بئله بیر دوروم¬لاردا چئورزده اولان¬لار سیزی اولوملو و یا اولومسوز غفیل¬لندیره بیلرلر. نه اولور- اولسون آماج¬لاریزی اونودمایین.

آزر (یای، آذر): هفته¬نین ایلک گون¬لری ساغلاملیق، ایش و یا ائوجیل حیوانیز قونولاریندا بعضی سورون¬لار یارانا بیلر. صبیرلی اولون. اولای¬لار سیزی محدودلاشدیریب، اینجیدیر، و دئییرسیز بس گرک اؤزوزدن دفاع ائده¬سیز. آنجاق اوزولمه¬یین، بو دوروم اؤتری دیر. آنسیزین بیر اولای سیزی چوخ چاشدیراجاق آنجاق بونون سونوجو سیزی سئویندیره¬جک. یاشاییش دا اولان سورپرایزلار باعث اولور یولداش¬لاریزلا اولان ایلتیشیم¬لریز چوخ ایستی و خوشا گلیم اولسون.

چیلله (ا وغلاق، دی): بو هفته حیات¬یولداش و اوشاق¬لاریز چوخ ایستک¬لری ایله سیزی اینجیدیرلر. بو دورومدان نه قدر راحات¬سیز اولساز دا یئنه، صبیرلی اولماغیزی ایستییرم. سوروملولوق¬لاریز چوخالیر و بو اوزدن چوخ راحات¬سیز اولورسوز. احتیاط لی اولون و اوشاق¬لاریزی اولای¬لاردان قورویون. سئوگی دوروموز دا آلچاق- اوجالی دیر. و بونلار هامیسی ایش و ساغلاملیغیزی ائتگی¬لندیره بیلر. توپلومسال ایلیشگی¬لر ائیلنجه¬لی و اومود وئریجی دیر. یئتر کی، بیلگین و صبیرلی اولاسیز.

دوندوران آی (قووا، بهمن): بو هفته عائله عضولری ایله قانونی مسائل اوزره تارتیشمالاریز اولاجاق. ائوده اولان آنسیزین اولای¬لار سیزی چاش- باش قویاجاق. ائوده اوز وئرن اولای¬لاردا احتیاط لی اولمالی سیز. ائوین کیچیک نسنه¬لریندن بعضی¬سی خراب اولا بیلر. بو نسنه¬لری دوز قوللانمادیقلاری و خراب اولماقلارینا سبب اولدوقلاری اوچون اونلارلا سؤزه گله بیلرسیز. بو هفته عصبی داورانیرسیز. طالعیز سیزی ائیلنجه¬لی و ساکن داورانماغا دعوت ائلییر. منجه ده بئله اولون.

بایرام (بالیقلار، اسفند): بو هفته بیرآز دئپرس گؤرونورسوز، بیرآز اؤزوزله باخجی داورانین و اولومسوز انرژی¬لری اؤزوزدن اوزاقلادین. آنسیزین اولای¬لار سیزی چاشدیراجاق. اولای¬لار چوخ اولاجاق، بو اوزدن آرام اولون و گؤردوگوز هر بیر ایشه دقت ائلیین. بو گون ذهنیزه گلن بوتون ایده¬لری بیر یئرده یازین و داها سونرالار اونلاردان فایدالانین. بو هفته عائله سیزین آرخازدا دوراجاق و سیز اونلارلا خوش لحظه¬لر گئچیره بیلرسیز. بونلاردان آسیلی اولاراق ائو آرام بیر اورتام اولا بیلر.