آذربایجانین لاچین رایونونون ارمنیستان سلاح‌لی قوه‌لری طرفین‌دن ایشغال اولونماسین‌دان بو گون ۲۸ ایل کئچیر.

آخار. آذ خبر وئریر کی، ۱۹۹۲-جی ایل مایین ۱۸-ده ارمنیستان سلاح‌لی قوه‌لرینین لاچین رایونونو اله کئچیرمه‌سی ایله داغلیق قاراباغ «دفاکتو» ارمنیستانا بیرلشدیریلیب.

ایشغال نتیجه‌سین‌ده لاچین‌دا ۱ شهر، ۱ قصبه و ۱۲۰ کند دوشم‌ن علینه کئچیب، ۲۶۴ نفر شهید اولوب، ۶۵ نفر گیروو گؤتورولوب، ۱۰۳ نفر علیل اولوب. رایون اوزره ۱ یاش‌دان ۱۶ یاشادک ۲۴۳۷۴ اوشاق‌دان ۱۸-ی شهید، ۲۲۵ نفری علیل اولوب، ۳۱-ی هر ایکی والیدینینی ایتیریب، ۶۴ مین نفر مجبوری کؤچکونه چئوریلیب. رایون اراضی‌سین‌ده‌کی ۱۳۳ ایری و اورتا موسسه، ۲۰ طب موس‌سه‌سی، ۲۱۷ مدنیت اوجاغی، ۴۰-دک مد‌نی و تاریخی عابده، اونلارلا تحصیل موس‌سه‌سی حاضردا ایشغال آلتین‌دادیر.

ایشغال نتیجه‌سین‌ده ۱۸۳۵ کوادرات کیلومئتر اراضی‌سی اولان لاچین رایونون‌داکی بیر سیرا تاریخی-مدنیت عابده‌لری دوشمه‌ن طرفین‌دن تالان ائدیلیب و یا ائرمنیلشدیریلیب. اهمیت‌لی گئوستراتئژی مؤقعیه مالیک اولان لاچینین ایشغالی آذربایجان اقتصادیاتینا جدی زیان ووروب. دوشمه‌ن رایونون یونگول صنایع مرکزلرینی، کند تصروفاتی ساحه‌لرینی یارارسیز حالا سالیب.

ایشغال‌چی دؤولت بین الخالق حقوق نورمالارینا، زبت اولونان آذربایجان تورپاقلارین‌دان ارمنیستان قوشونلارینین قید-شرط‌سیز چیخاریلماسینا دایر ب ام ت-نین قطعنامه‌لرینه محل قویمایاراق حاضردا لاچین‌دا قانون‌سوز مسکونلاشما آپاریر.