بیر مئترو دوراغی بئش آلت‌کئچید (زیرگذر) و اوست‌کئچید (روگذر) قدر هزینه آپاریر. بو گون «لاله»دن «ائل‌گؤلو»یه کیمی مئترو قوللانماقدادیر

تبریز، آذرشهر و اوسکو جماعاتی‌نین اسلامی شورا مجلیسینده‌کی نوماینده‌سی، تبریز مئتروسوندا گلیشمه پروژه‌لری‌نین اؤنملی حجم‌ده اولدوغونا اشاره ائده‌رک دئدی: بیر مئترو دوراغی بئش آلت‌کئچید (زیرگذر) و اوست‌کئچید (روگذر) قدر هزینه آپاریر.

دکترعلیرضا منادی تبریز شهر ایچی قاتاریندان گؤروشو سیرا‌سینده دئدی: گونوموزده تبریز جماعاتی «لاله»دن «ائل‌گؤلو»یه کیمی فخر ائده‌رک شهر ایچی قاتاری‌نین بیرینجی خطی‌نین خیدمت‌لریندن استفاده ائدیرلر. بوتون وطن‌داش‌لارین شهر ایچی قاتاریندان یارارلانماسینا تانیق اولمامیزی اومود ائدیریک.