آغلار‌گولر (قوچ، فروردین): بو هفته بوتون الدن وئردیییز انرژی نی بیر داها اله گتیریب، ایسته دیییز ایش لری گؤره بیرلرسیز. بو سیزی روحی باخیمدان چوخ یوکسلدر و هامییا باشاری لاریزی گؤرستمک امکانی تاپا بیلرسیز. حقوقوزو اله گتیرمک اوچون ساواشیرسیز و هامینی ائتگی¬لندیرمه¬یی باشاریرسیز. انسان اؤزونو یاخجی تانییا بیلسه یاخجی دا باشقا-لارینا تانیتدیرا بیلر. پس، یاخجی اولماغا چالیشین و یاخجی ایز بوراخین.

گولن‌آی (بوغا، اردیبهشت): بو هفته سیزدن بیر ایسته ییم اولاجاق، ایش لریزده چوخ دقت لی اولون. بلکه بیر بالاجا احتیاط سیزلیق اوزره اعتباریزی الدن وئردیز. و یا ایش لریزده اوغورسوزلوغوز اولدو. بلکه بیر کلمه یئرسیز سؤز دانیشماق بؤیوک دشمن لیک لرین یارانماسینا سبب اودو. بو اوزدن سیزدن ایستیرم بیر مدت تک قالیب، اؤزوزه فرصت وئره-سیز. آرتیق اؤزوزو تانیماغا چالیشین و ایچ دونیازی کشف ائتمه¬یه وقت آییرین.

قیزاران آی (ائکیزلر، خرداد): اؤزوزه بیر پارا هدف لر تؤکمک و برنامه لر یازماق فکرینده-سیز. بو ایل راحاتلیق لا بو هدف لره چاتا بیلرسیز. البته چئورزده اولان لارین یاردیمینی اصلا گؤرمزدن گلمیین. اؤز نیاز¬لاریزی اونلارین نیاز لاری ایله اویغونلاشدیرین و اورتاق بیر سونوج¬لارا چاتین. فیزیکی چالیشمالارا انرژی¬لی و ماراقلی سیز. باخین گؤرون سیزین آماج-لاریز کیمی داها چوخ ایلگی لندیریرسه اونونلا ایش بیرلیک آپارین.

قورا پیشیرن (یئنگج، تیر): بو ایل چوخ چوخ چالیشماغیز گرکیر. اؤز رئیسیز و اؤز ایشلییه¬نیز اولماق ایستییرسیز. والدین، رئیس و اؤزل آدام¬لارلا یوکسک انرژیز اوچون سورون یاشایا بیلرسیز. البته امکداش لاریزلا بعضی آنلاشمازلیق لاریز اولاجاق. منجه بو دورومدا منطقلی و عاغیللی داورانین، اؤز آماج لاریزی چئورزده¬کی¬لرین آماجی ایله بیرلشدیرین، یئرسیز تارتیشما¬لاردان ساخینین و ایش¬بیرلیگی دیرلندیرین.

قویروق دوغان (آسلان، مرداد): بو هفته چوخ یارادیجی ایش لر گؤرمک ایستییرسیز. بلکه یئنی یول و اینانج لار کشف ائدیب، بیر عدّه¬نی ده اونلارا اورتاق ائتدیز. اینانج لاریزدا اورتاق ائتمک، اونلاری بیرینه تحمیل ائتمک معناسینا دئییل. بو انرژی دن ایچ دونیازی تانیماغا فایدالانا بیلسز داها یاخجی اولار. یئنی لیک هر حالدا یاخجی دیر و اونون سیزه باغیشلایان لذّتی گلن گون لریزی تماماً هیجانلی گون لر ائده جک.

زومار (باشاق، شهریور): ارث، مالیات و اورتاق مال لار اوزرینده بعضی سورون لاریز اولا بیلر. اورتاق یاشامیزدا دا بعضی آنلاشمازلیق لاریز وار. باخین سیزین معیار و دَیَر لریز بیری ایله فرقیلی اولا بیلر، بو اوزدن جسمی و دویغوسال ایلیشگی¬لریزی کیفی باخیمدان گوج لندیرین، اسکی یاشام طرزیزی بوراخین و دوروما باغلی یئنی قانون¬لار و یئنی سبک¬لر یاراتماغا چالیشین. و نهایت دوشونجه¬لریزی بیرینه تحمیل ائتمه¬یین.

خزل (ترازی، مهر): طالعیز بوتون یاشامیز او جومله دن یولداشلیق، ائولی لیک و ... نی ائتگی لندیره جک. سیز نه باریشماق ایستییرسیز و نه آنلاشماق فکرینده سیز! اگر ایلیگشی-لریزین دوزلمه¬سینی اؤنمسه¬ییرسیز، دوز یولو سئچین. رضایتیز اولمادیغی قونولاری بیان ائدین. گله¬جه¬یه اولان آماج¬لاریزا اوداقلانین، اونلارا چاتماغا ذکی اولون و منطقی اوستون بیلین. عقل و منطقدن فایدالانماق اوغورلو اولماغیزا سبب اولاجاق.

قیروو (عقرب، آبان): بو گون لر بوتون اله گتیردیگیز موفقیت لره افتخار ائلییه جک سیز. نه قدر اؤزوز اوچون ایشله ییب، اعتبار قازانماق ایسته¬سز، یئنه ده بیر عدّه سیزین باشاری-لاریزدان اؤز نفع¬لرینه فایدالاناجاقلار. منجه اؤزوزو بیرینین ایش¬لرینی گؤرمک و یا بیری ایله امکداشلیق ائتمک دوروموندا ساخلاماساز یاخجی دیر. ساغلام¬لیغیزی قوروماقدا دقت¬لی اولون و تب و عفونت معرضینده اولماقدان ساخینین.

(یای، آذر): آزر لر بو گون لر چوخ راحات دیرلار. ایسته دیگیز ایش¬لری گؤرون و بوتون سئودیگیز ائیلنجه لره باخین. یارادیجیلیغیزی گؤرستدیییز اوچون هیجانلی اولاجاقسیز. سئوگی قونوسوندا چوخ شور و حرارتلی داورانیرسیز و بو قونودا ایچیزده اولان انرژی¬دن فایدالانیرسیز. اوشاق لاریزا قارشی دؤزوملو اولون و اونلاری اؤز آماج و برنامه¬لریزه اورتاق ائدین. نه قدر اؤز عائله¬ز ایله بیرلشه بیلسز بیر او قدر یاخجی دیر.

چیلله (اوغلاق، دی): بو گون لر ائویزده اولان دییشیم لر، تعمیرات و یا قوناق لیق لارا گؤره چوخ باشیز مشغول دور. اوغلاق والدینه چتین بیر هفته دیر؛ اوشاق لار سیزی اینجیدیرلر. ایش¬لری اؤز یول- یؤندمیزله گؤرمک ایستییرسیز. بو اوزدن بعضی تارتیشما¬لار اولور. بونلار سیزین باشا دوشمه دییز سؤز لر و یا اؤنمسه مه دییز ایش لرده اولان تارتیشما لار و هامیسی صبریزین آزلیغیندان وجودا گلن سورون¬لار دیر، صبیرلی اولون.

دوندوران آی (قووا، بهمن): گرک بو یوکسک انرژی¬نین قاباغینی آلا سیز. دانیشیق و داورانیش لاریز بوتون ایلیشگی¬لریزی ائتگی¬لندیریر. سیزین گوجلو و قدرت موضعیندن دانیشماغیز یانلیش آنلاشمالارا سبب اولا بیلر، بو اوزدن بیری سیزین¬له مخالفت ائلیینده، اونو بیر شخصی داورانیش حسابلاییب، طرفی آنلاتماغا چالیشمایین! باشیزی سالین آشاغی و بو سرعت و قدرتدن، اؤز یاشامیزی داها یاخجی¬لاشدیرماقدا فایدالانین.

بایرام (بالیقلار، اسفند): بو گون¬لر سیزه دَیر ساییلدیغی هر بیر زادی چوخ سالیب- چیخیرسیز. هر آن مالی حساب لار، املاک ، ماشین و .... نین دیرینی اؤلچورسوز. بلکه وارلیغیزین بیر مقدارینی بعضی آلیش- وئریش لرده ایشلتمک ایستییرسیز، آنجاق بو موردده دقت¬لی اولمالی سیز. چون تله سیب، دوز تصمیم توتماساز، پولوز الیزدن گئدر. عاغیللی اولون و پولوزو هدر ائتمه¬یین. آدام یوز دفعه اؤلچر، بیر دفعه بیچر.