خانکندی-لاچین یولون‌دا تشکیل اولونان دینج اکواکسییا آرتیق ۵۱ گوندور داوام ائدیر.

Axar.az خبر وئریر کی، بو دقیقه‌لرده آکسییا ایشتیراکچیلارینا دستک وئرمک اوچون یئنی کؤنوللو گروپلاری لاچین-خانکندی یولونا گلیبلر. دیگرلری کیمی، اونلار دا آذربایجان، روس و اینگیلیس دیللرینده شعارلار یازیلمیش پلاکاتلار قالدیریر، "آذربایجان اویاقدیر، ثروتلره دایاقدیر!»، «اکولوژی جینایته سون!» و سایر شعارلار سسله‌ن‌دیریرلر.

قید ائدک کی، آکسییا زامانی گئجه اولدوغو کیمی، گوندوز ساعتلاریندا دا تهلوکه‌سیزلیک قایدالارینا رعایت اولونوب، هئچ بیر حادثه مشاهده ائدیلمه‌ییب. اعتراضچیلارین توپلاشدیغی اراضی‌دن کئچن یول‌دا نقلیاتین سربست حرکتینه هئچ بیر مانعه یوخدور. یول هومانیتار مقصدلر اوچون تام آچیقدیر.

خاطیرلاداق کی، ۲۰۲۲-جی ایل دکابرین ۳-ده و ۷-ده روسییا صولح‌مرام‌لی کونتینگئنتینین کوماندانلیغی (فرماندهی یگانهای نیروهای محافظ صلح روسیه) ایله آپاریلمیش مذاکیره‌لرین نتیجه‌سی اولاراق اقتصادیات ناظرلیگی، اکولوگییا و طبیعی ثروتلر ناظرلیگی، اقتصادیات ناظرلیگی یانین‌دا املاک مسئله‌لری دولت خیدمتی و «آزرگولد» قاپالی سهمدار جمعیتینین متخصصلرین‌دن عبارت هئیت روسییا صولحمرام‌لی کونتینگئنتینین ( یگانهای نیروهای محافظ صلح روسیه) موقتی یئرلشدیی آذربایجان اراضیلرین‌ده فایدالی قازینتی یاتاقلارینین قانون‌سوز استیثماری (استفاده‌سی)، بوندان ایر‌لی گلن اکولوژی و دیگر فسادلارلا باغلی ایلکین مونیتورینگ(بازرسی) آپارمالی ایدی. لاکین صولح‌مرام‌لیلارین حرکتسیزلیگی اوجباتین‌دان مونیتورینگ (بازرسی) باش توتماییب. بونا اعتراض اولاراق، آذربایجان‌لی اکوفعاللار شوشا اراضی‌سین‌دن کئچه‌ن لاچین-خانکندی یولوندا دکابرین ۱۲-دن دینج آکسییایا باشلاییبلار.