ارمنستانین اومبودسمانی آنایت ماناسیان حبسده اولان آذربایجانلی حربچیلرله گؤروشوب.

Axar.az خبر وئریر کی، آذربایجانلی حربچیلردن بیرینه قولوباغلی وضعیتده ایشگنجه وئریلمه‌سی باره‌ده کادرلاری سوسیال شبکه‌لرده یایان ارمنیلر ایندی ده گولونج فیکیرلر یاییبلار.

ادعا اولونوب کی، اومبودسمانلا گؤروشده آذربایجانلی عسگرلر ایشگنجه‌لردن شکات ائتمه‌ییبلر. اومبودسمان اونلارین ساخلانما شرایطی، حقوقلارینا رعایت اولونماسی ایله تانیش اولوب.

«ایشگنجه و پیس رفتار حقوقلارینین مدافعه‌چیسی ایله صحبتینده حبس اولونانلارین هئچ بیری دولت گوروملاری و مأمورلار طرفیندن پسیخولوژی تضییقلر ده داخل اولماقلا، شکاتچی اولماییب. اونلار لازیمی شرایطله، خصوصیله قیدا، ایچکی، گیگینا واسطه‌لری ایله تامین اولونورلار. ضروری حاللاردا اونلارا طبی یاردیم گؤستریلیر، اونلارلا پولسوز اجتماعی مدافعه‌چی و ترجمه‌چی ایشلییر» - معلوماتدا بیلدیریلیر.