ایرانین خاریجی ایشلر ناظری حسین امیر عبداللهیانین آمریکانین پایتختی واشینگتنا سفری ایله باغلی مراجعتینه رد جواب وئریلیب.

Axar.az خبر وئریر کی، بو باره‌ده آمریکا دولت دپارتامنتینین سؤزچوسو متیو میللر معلومات وئریب.

او، اؤلکه‌سینین ایران رسمیلرینین ب.ام.ت توپلانتیلارینا قاتیلماق اوچون نیویورکا سفرلرینه مانع اولمادیغینی آچیقلاییب. علاوه ائدیب کی، بو، واشینگتن اوچون کئچرلی دئییل و ایران رسمیلرینین آمریکانین پایتختینا سفر ائتمه‌سی قاداغاندیر:

«آمریکا وطنداشلارینین اسلام رسپوبلیکاسی طرفیندن داواملی اولاراق حبس‌ده ساخلانماسینی و ایران حکومتینین ترورا دستیینی نظره آلاراق، آمریکا امیر عبداللهیانین واشینگتنا سیاحت اجازه‌سینین وئریلمه‌سینی اویغون و لازیملی حساب ائتمه‌ییب»،- میللر بیلدیریب.