آنا صحیفه توپلوم |
سون ایکی ایل عرضینده شرقی آذربایجان ایالتینه ۱۷۰ مین خارجی توریست سفر ائدیب.
Axar.az خبر وئریر کی، بو بارهده ایالتین مدنی ارث، توریزم و ال ایشلری ادارهسی معلومات یاییب.
تورکیه، آذربایجان رسپوبلیکاسی، روسیا، عراق، ارمنیستان، چین، یاپونییا و تاجیکیستان وطنداشلاری بو مدت عرضینده سیرا ایله شرقی آذربایجانا ان چوخ سفر ائدن توریستلر اولوبلار.
بو سای شرقی آذربایجانین مؤوجود پتنسیالینا گؤره اولدوقجا آز ساییلیر.
ایالتین توریزم صنایعسینه یئترلی سرمایه قویولماماسی، بؤلگهنین توریزم پتنسیالینین تانیتدیریلماماسی بؤلگهیه گلن توریستلرین سایینا بیرباشا تأثیر ائدیب.
اصفهان ایالتینه ایلین ۶ آی عرضینده سفر ائدن توریستلرین سایی ۳۴۰ مین نفر اولوب.
بو، ۲۰۱۴-جو ایلده اصفهانا ایللیک ۴۰۰ مین خارجی توریستین جلب ائدیلمهسی ایله باغلی باشلادیلان لایحهلرین، بو ساحهیه قویولان سرمایهنین نتیجهسینده باش وئریب.
تاریخ
2023.10.04 / 18:06
|
مولف
جاویدان
|