آوروپا پارلامنتینین ساخاروو آدینا «فکر آزادلیغی» مکافاتینین ۲۰۲۳-جو ایل اوزره مکافاتی ایراندا «اخلاق پلیسی» طرفیندن اؤلدوروله‌ن مهسا امینییه وئریلیب.

Axar.az خبر وئریر کی، بو باره‌ده آوروپا پارلامنتینین "X" حسابیندا معلومات وئریلیب.

آوروپا پارلامنتینین صدری روبرتا متسولا مهسا امینینین حبسیندن اوچ گون سونرا وحشیجه‌سینه اؤلدورولمه‌سی ایراندا قادین حقوقلاری اوغروندا مبارزه‌ده تاریخی دؤنوش نقطه‌سی اولدوغونو دئییب.

بو مکافات آوروپا بیرلیینین انسان حاقلاری فعاللارینا و فکر آزادلیغینا ان یوکسک حرمتینین گؤستریجی‌سی حساب ائدیلیر.

خاطیرلاداق کی، مهسا امینی ۲۰۲۲-جی ایلین سنتیابرین ۱۳-ده ایرانین اخلاق پلیسی طرفیندن ساخلانیلیب. او، تجریدخانایا آپاریلاندان بیر مدت سونرا کمایا دوشوب. امینی ۳ گون سونرا سنتیابرین ۱۶-دا خسته‌خانادا اؤلوب. مهسا امینینین اؤلومو ایله علاقه‌دار اؤتن ایلین سنتیابریندا ایراندا باشلایان عموم‌ملی اعتراضلار آیلارلا داوام ائدیب.

اعتراضلارین تهلوکه‌سیزلیک قوه‌لری طرفیندن یاتیریلماسی نتیجه‌سینده ۵۰۰-دن چوخ آدامین اؤلدورولدویو، ۲۲ میندن چوخ آدامین ساخلانیلدیغی بیلدیریلیب.