مجبوری حجاب قایدالارینی پوزدوغونا گؤره دؤیوله‌ن و ۲۸ گون کمادا قالدیقدان سونرا اوکتیابرین ۲۷-ده حیاتینی ایتیرن آرمیتا گراونده گؤره اعتراض آکسییالاری کئچیریییب.

Axar.az خبر وئریر کی، بو باره‌ده خارجی مدیا و یئرلی سوسیال مدیا فعاللاری معلومات و ویدئولار پایلاشیبلار.

تهرانین سعادت‌آباد، چیتگر و اکباتان شهرجیکلرینده، ائلجه ده کرج و شیراز شهرلرینده وطنداشلار گئجه ساعتلاریندا بالکونلارا چیخاراق "اوشاق قاتلی حکومتی ایسته‌میریک"، "اؤلوم اولسون دیکتاتورا" شعارلاری سسلندیریبلر.

بین‌الخالق انسان حاقلاری تشکیلاتلاری، بیر سیرا دنیا دولتلری آرمیتا گراوندین اؤلدورولمه‌سی ایله باغلی بیانات یاییبلار.

آلمانیانین خارجی ایشلر ناظری آنالنا بربوک ۱۶ یاشلی یئنی‌یئتمه‌نین اؤلومونه گؤره ایران حکومتینی گناهلاندیریب.

"او ساده‌جه ۱۶ یاشیندا ایدی و قارشیدا اونو یئنی بیر حیات گؤزلییردی، رژیمین وحشی‌لیی اونون حیاتینی محو ائتدی. ایرانین گلجیی اونون قادین و قیزلاریدیر، بو رژیم اونلارین آزادلیق ایستکلرینی محو ائده بیلمه‌یجک"،- آلمانییالی ناظر بیلدیریب.

آمریکانین ایران اوزره خصوصی نماینده‌سینین معاونی آبرام پیلی ده اؤلدوروله‌ن یئنی‌یئتمه ایله باغلی پایلاشیم ائدیب.

"ایران دولتینین قادین و قیزلارا قارشی زوراکیلیغی داخلده و خارجده بیر چوخ ایرانلی عائله‌لر اوچون داغیدیجی ضربه ووروب"،- پیلی یازیب.

ایراندا و خارجده یاشایان تانینمیش سیاسی، اجتماعی و مدنی شخصیتلر، او جمله‌دن صنعت آداملاری و یازیچیلار آرمیتا گراوندین اؤلومونه گؤره ایران حاکمیتینی گناهلاندیریبلار.