شرقی آذربایجانین ورزقان شهریندن اولان اطراف محیط و ایشچی حرکاتی فعالی اسماعیل احمدی ایکینجی جنایت محکمهسینه چاغیریلیب.
Axar.az خبر وئریر کی، بو بارهده فعالین یاخینلاری معلومات یاییب.
احمدی-یه گؤندریلن چاغیریش ورقهسینده اوندان نویابرین ۱۴-ده ورزقان شهرینین ایکینجی جنایت محکمهسینه گئتمهسی ایستنیلیب.
او، "اسلامین مقدسلرینی تحقیر ائتمک»، «انسانلاری داخلی-خارجی تهلوکهسیزلییه قارشی جنایت تؤرتمهیه تحریک ائتمک»، «دشمن شبکهلری ایله علاقه»، «یالان معلوماتلار یایماق» و «حکومته قارشی تبلیغات»دا اتهام ائدیلیب.
قید ائدک کی، اسماعیل احمدی ۲۱ آوگوست تاریخینده حبس ائدیلهرک تجریدخانایا کؤچورولوب. اورادا دیندیریلدیکدن سونرا ۲۴ آوگوستدا ۴۰۰ میلیون تومن گیروو قارشیلیغیندا موقتی اولاراق سربست بوراخیلیب. او، ورزقاندا اطراف محیطین "سونگون" مس معدنی استثمارچیلاری طرفیندن محو ائدیلمهسینه، ایشچیلرین ایشدن قووولمالارینا اعتراض ائتدیی اوچون ساخلانیلمیشدی.