۲۰۲۶-جی ایلین سونونا کیمی ۱۴۰ میندن چوخ انسانین قاراباغا و شرقی زنگزورا قایتاریلماسی پلانلاشدیریلیر.

Axar.az خبر وئریر کی، بونو میللی مجلسین صدری صاحبه قافارووا نویابرین ۱۷-ده قیرغیز رسپوبلیکاسینین پایتاختی بیشکک شهرینده مستقل دولتلر بیرلیی اشتراکچی‌سی اولان دولتلرین پارلامنتلرآراسی آسسامبلیاسینین ۵۶-جی پلنار اجلاسیندا چیخیشیندا دئییب.

میللی مجلیسین صدری چیخیشیندا، همچینین دقته چاتدیریب کی، بو گون قاراباغ بؤلگه‌سینده ارمنی اشغالیندان آزاد ائدیلمیش اراضیلرده آذربایجان فعال شکلده گئنیش‌مقیاسلی برپا و قوروجولوق ایشلرینی داوام ائتدیریر. «بؤیوک قاییدیش» پروگرامینین اجراسی چرچیوه‌سینده کئچمیش مجبوری کؤچکونلر آرتیق لاچین و فضولی شهرلرینه، ائلجه ده بیر سیرا کندلره قاییدیبلار.

قافارووا دئییب کی، حاضردا رگیوندا صلح گونده‌لیی اوچون یاخشی امکانلار وار. اسپیکر آذربایجان پرزیدنتی ایلهام علیئوین دفعه‌لرله اؤلکه‌میزین ارمنیستانلا مناسبتلرین نرماللاشماسینی و صلح مقاوله‌سینین امضالانماسینی دستکلدیینی ایفاده ائتدیینی خاطیرلادیب.