سون ایللر ایراندا جنسیتینی دییشدیرنلرین سایینین سرعتله آرتماسی دین خادملرینین اعتراضلارینا سبب اولوب.

Axar.az خبر وئریر کی، بونو ایران پرزیدنتی ابراهیم رئیسینین قادین و عائله مسئله‌لری اوزره معاونی انسیه خزعلی ده اعتراف ائدیب.

او، نویابرین ۱۸-ده نظارت و اکسپرتلر شوراسینین عضوو، قم شهرینین جمعه امامی علیرضا اعرافی ایله گؤروشونده دئییب:

"ایندی حکیملر چوخ راحت‌لیقلا جنسیتی دییشدیرمک باره‌ده آراییش وئریرلر، بو اؤلکه‌ده گنجلرین نسل آرتیرماق قابلیتلرینی محو ائدیر"،- خزعلی ناراحات‌لیغینی بیلدیریب.

بئله حاللارین آرتماسیندان گیلیلنن پرزیدنت معاونی جنسیتینی دییشدیرنلرین ۵۰%-نین بیر مدت سونرا انتهار ائتدیکلرینی سؤیلییب.

قید ائدک کی، ایراندا کیشیلر آراسیندا استتیک پلاستیک عملیات ائتدیرنلرین ده سایی چوخالیب.

بو باره‌ده آچیقلاما وئرن پلاستیک جراحلار جمعیتینین رهبری شهرام نیکومرام دئییب کی، استتیک عملیاتلار ائتدیردیکلرینه گؤره، بیر چوخ ایران‌لیلار تانینماز حالا دوشوبلر.