شرقی آذربایجان ایالتینین ورزقان بؤلگه‌سین‌ده امیر ارشد سارایینین حیطینده ساخلانیلان تاریخی قوچ هیکللری محو ائدیلیر.

Axar.az خبر وئریر کی، بو باره‌ده یئرلی مدنی فعاللار معلومات و ویدئو پایلاشیبلار.

بیلدیریلیب کی، قاراداغین مختلیف بؤلگه‌لریندن توپلانان داشدان تاریخی قوچ هیکللری آچیق هاوادا باخیمسیز وضعیتده ساخلانیلیر.

ویدئولاردا تاریخی اثرلرین چوخونون داغیلدیغی، سیندیریلدیغی، بیر نئچه پارچایا بؤلوندویو گؤستریلیر.

قید ائدک کی، داشدان یونولان قوچ هیکللری آذربایجانین مختلیف بؤلگه‌لرینده مینلرله ایدی. سون ایللر مدنی ارث ناظیرلیینین مسئولیتسیزلییی اوجباتین‌دان اونلارین چوخو اوغورلانیب، قالانلارین اکثریتی ایسه تهران و باشقا شهرلرین موزئیلرینه آپاریلیب.

حاضردا تبریز موزئیی و ورزقانین امیر ارشد ساراییندا بیر نئچه سیندیریلمیش قوچ هیکللرینین قالیقلاری ساخلانیلیر.