جاری ایلین آپرل آیینین اولیندن سنتیابر آیینین سونونا کیمی ۶ آی مدتینده ایران‌دا قاچقین حیاتی یاشایان ۴۰۰ مین افغانیستان‌لی قاچقین اؤلکه‌دن چیخاریلاراق افغانیستانا گئری قایتاریلیب.

Axar.az خبر وئریر کی، بونو ایرانین داخیلی ایشلر ناظری احمد وحیدی آچیقلاماسیندا بیلدیریب.

او، بو پروسسین داوام ائدجیینی و داها چوخ قاچقینین افغانیستانا گئری گؤندریلجیینی دئییب.

افغانیستان‌لی قاچقینلارا قارشی آرتان تضییقلره گؤره ۵۴۰ ایران‌لی صنعتچی، وکیل، حکیم، ژورنالیست، مدنی و اجتماعی فعال آچیق مکتوب یازیبلار.

اونلار تهران حاکمیتینین قاچقینلارا قارشی قدار حرکتلرینی پیسله‌ییب، بونون دایاندیریلماسینی طلب ائدیبلر.

قید ائدک کی، ایران‌دا یاشایان افغانیستان‌لی قاچقینلارا وئریلن یاشاییش سندی توتارلی اولمادیغی اوچون اونلار ابتدای پروبلملرینین حلینده عاجیزدیرلر. ایران‌لی قادینلارلا عائله قوران افغانیستانلی قاچقینلارین اؤلادلارینا سند وئریلمدیی اوچون تحصیل آلا بیلمیر، قانونی شکیلده هئچ یئرده ایشله‌یه بیلمیرلر.