سوسیال شبکه‌لرده یاشلی سوروجونون گونئی‌لی شاعر و ضیالی صمد بهرنگینین اؤلدورولمه‌سی ایله باغلی فیکیرلرینی عکس ائتدیره‌ن ویدئو سرعتله یاییلیب.

Axar.az خبر وئریر کی، گؤرونتولرده یاشلی کیشی شاعرین آراز چایین‌دا قصداً باتیریلماسیندان دانیشیب.

او، حادثه اولان گون توکل آدلی چایخانا ایشچی‌سینین دئدیکلرینه و اؤزونون شاهدی اولدوقلارینا اساس‌لاناراق، فارس رژیمی طرفیندن شاعرین قصداً اؤلدورولمه‌سی ایله باغلی شبهه‌لری بیر داها تصدیقله‌ییب.

او بیلدیریب کی، دزینفکسییا ایشلری آپاران فهله‌لر آراز چاییندا یویونماق بهانه‌سی ایله صمد بهرنگینی آلداداراق چایدا بوغوبلار. سوروجو شاعرین نعشینین امامییه مزارلیغینا گتیریلدیینی و اورادا دفن ائدیلیدیینی بیلدیریب.

معلوماتا گؤره، یاشلی کیشینین بهرنگینین قصداً اؤلدورولمه‌سی ایله باغلی دانیشدیقلاری حکومت مأمورلارینین خوشونا گلمدیی اوچون اونا سوسماسی ایله باغلی هده- قورخو گلیبلر.