ایران‌دا حاکمیته یاخین «دبش چای شرکتی»نین ۳ میلیارد دلارلیق کوروپسییا عملیاتی افشا ائدیلیب.

Axar.az خبر وئریر کی، بو باره‌ده ایران مدیاسی معلومات یاییب.

بیلدیریلیب کی، "دبش چای شرکتی" ۳ ایل عرضینده ماشین و چای ادخالی اوچون یاری مزنده ایله ۲،۷ میلیارد دلاردان چوخ والیوتا آلیب. شرکت بو مبلغین چوخ حصه‌سینی باشقا یئرلره سرمایه شکلینده یاتیریب.

بونونلا یاناشی، شرکت هندیستاندان هر کیلوگرامی ۱۴ دلار اولان کیفیتلی چای ادخال ائتدیی باره‌ده سندلشدیرمه‌لر آپاریب، آنجاق اؤلکه‌یه هر کیلوگرامی ۲ دلار اولان کنیا چایینی گتیریب.

بیر سیرا مدیا منبع‌لری حاکمیتین یوخاری قاتلارینا باغلی اولان شرکتین باش دیرکتورو اکبر رحیمینین حبس ائدیلدیینی یازیب.

قید ائدیلیب کی، کوروپسییا عملیاتیندا صنایع، معدن و تجارت ناظرلیی، کند تصرفاتی ناظرلیی و مرکزی بانکین رولو اولوب.

مسئله‌نین دقیق و طرفسیز آراشدیریلاجاغی تقدیرده کوروپسییا عملیاتیندا داها یوکسک رتبه‌لی حاکمیت مأمورلارینین اشتراکینین اوزه چیخاریلاجاغی بیلدیریلیر.