بین‌الخالق اینسان حاقلاری گونو عرفه‌سینده آمریکا و کانادا اینسان حاقلارینین پوزولماسیندا الی اولان داها ۴ ایران رسمی‌سینه قارشی سانکسییا تطبیق ائدیب.

Axar.az خبر وئریر کی، بو باره‌ده آدیچکیلن اؤلکه‌لرین خاریجی ایشلر ناظرلیکلری معلومات یاییب.

کانادا حکومتی بو اؤلکه‌نین وطنداشی ژورنالیست زهرا کاظیمینین تهران‌دا حبس ائدیلمه‌سی، همچینین، قیسا مدت سونرا اؤلدورولمه‌سین‌ده اللری اولدوغونا گؤره، تهرانین کئچمیش پروکورورو سید مرتضوی و اونون معاوینی محمد بخشینین آدینی قارا سیاهییا سالیب.

بونونلا یاناشی، آمریکا حکومتی مجید دستجانی فراهانی و محمد مهدی خانپور اردستانییه قارشی سانکسییالار تطبیق ائدیلدیینی بیلدیریب.

قید ائدیلیب کی، بو شخصلر آمریکا وطنداشلارینا، او جمله‌دن، آمریکا رسمیلرینه قارشی ترور تؤردیلمه‌سی مقصدی ایله جینایتکارلاری ایشه گؤتوروبلر.