ایران‌دا تورکمنلرین کومپاکت یاشادیغی تورکمنصحرا بؤلگه‌سینده جمعیتین ائتنیک ترکیبینین دییشدیریلمه‌سی اوچون اراضییه بلوچلارین کؤچورولمه‌سی پروسسی باشلانیلیب.

Axar.az خبر وئریر کی، بو باره‌ده تورکمن فالار معلومات یاییبلار.

اونلار آغ قالا شهری و اطراف بؤلگه‌لرینده یئنی شهرجیکلرین سالیندیغینی، بورایا سیستان و بلوچستان‌دا یاشایان ائتنیک بلوچلارین کؤچورولدویونو بیلدیریبلر.

فعاللار بونونلا باغلی سوسیال مئدیادا کامپانییا باشلادیب، حاکمیتین تورکمنلری آتا-بابا یوردلاریندان قووماق پلانلاری باره‌ده پایلاشیملار ائدیبلر.

معلوماتا گؤره، سپاه-این کشفیات بؤلمه‌سینین امکداشلاری کامپانییانین گئنیشله‌نمه‌مه‌سی اوچون سوسیال مئدیا کاناللارینی باغلاییب.

قید ائدک کی، بوندان اول آغ قالا شهرینین کئچمیش فرمانداری ایلیاس هیوه‌چی حاکمیتین بو ایستیقامتده‌کی پلانینی ایفشا ائتدیینه گؤره، ایشدن چیخاریلیب.

او، تورکمنلرین تاریخی تورپاقلاریندا ائتنیک ترکیبین دییشدیریلمه‌سی اوچون آغ قالا و اطرافیندا ۸۰۰ هکتار اراضینین غیری-تورکمنلره ساتیلماسی، چوخ سایدا شهرجیکلرین سالینماسی باره‌ده ایفشا ائدیجی معلوماتلار یایمیشدی.