گونئی آذربایجانین جلفا بؤلگه‌سیندن اولان میللی فعال و کئچمیش سیاسی محبوس یوروش مهرلیبی‌لی تبریز حبخاناسینا کؤچورولوب.

Axar.az خبر وئریر کی، بو باره‌ده اونون قارداشی تایماز مهرلیبی‌لی معلومات یاییب.

"فورالین ۱۱-ده قارداشیمین دورومو ایله ماراقلانماق اوچون پروکورورلوغا مراجعت ائتدیکده، یوروش مهرلیبیلینین تبریز حبسخاناسینین کارانتین بؤلمه‌سینه کؤچورولدویونو دئدیلر ،- فعالین قارداشی بیلدیریب .

او، قارداشینین حبسینین اوستوندن ۹۶ گون کئچمه‌سینه باخمایاراق، اونون اتهامینین معلوم اولمادیغینی ، عائله‌سی ایله تلفن دانیشیغی و گؤروشونه اجازه وئریلمدیینی دئییب.

قید ائدک کی، یوروش مهرلیبی‌لی ۲۰۲۳-جو ایل نیابرین ۷-ده گرگر شهرینده تهلوکه‌سیزلیک مأمورلاری طرفیندن حبس ائدیله‌رک تهلوکه‌سیزلیک و کشفیات ناظیرلیینین تبریزده‌کی تجریدخاناسینا کؤچورولوب.