فورالین ۱۱-ده "ریحان تاک" آوتومبیل شیرکتی طرفیندن پوللاری منیم‌سه‌نیله‌ن قادینلار قزوین شهرینین پروکورورلوغو قارشی‌سیندا آکسییا کئچیریبلر.

Axar.az خبر وئریر کی، بو باره‌ده اینسان حاقلاری فعاللاری معلومات یاییب.

بیلدیریلیب کی، شیرکت طرفین‌دن آلدادیلان قادینلارین مراجعتلرینه جواب وئرمک عوضینه آکسییا یئرینه جلب ائدیله‌ن پلیس قوه‌لری اعتراضچیلاری دؤیه‌رک آکسییانی داغیدیب.

قید ائدک کی، دؤولتین حمایه‌سینده اولان آوتومبیل شیرکتی چوخ سایدا قزوینلینین پولونو آلسا دا، ایللردیر اونلارین آوتومبیللرینی تحویل وئرمکدن ایمتینا ائدیر.

بوندان اول بیر نئچه دفعه اوخشار آکسییا کئچیریلسه ده، قزوین‌لیلرین نه آوتومبیللری ، نه ده پوللاری قایتاریلیر.