غربی آذربایجان ایالتینین مرکزی اورمییا شهرینین حبسخاناسین‌دا ساخلانیلان ۸۰۰ محبوس آچیق مکتوب یازاراق حبسخانا رهبرلیینین تضییقلرینین دؤزولمز حده چاتدیغینی بیلدیریبلر.

Axar.az خبر وئریر کی، بو باره‌ده اینسان حاقلاری تشکیلاتلاری معلومات یاییب.

اونلار حبسخانا رهبری پیمان خانزاده‌نین محبوسلارا و عائله‌لرینه قارشی آمانسیزلیغینی ایضاح ائدیب، بو سبب‌دن بیر نئچه محبوسون انتحارا ال آتدیغینی بیلدیریبلر.

مکتوب مؤلفلری انسان حاقلاری تشکیلاتلاریندان یاردیم ایسته‌ییب، علاقه‌دار دولت قوروملاریندان پیمان خانزاده‌نین حبسخانا رهبرلیین‌دن صلاحیتلرینین گؤتورولمه‌سینی طلب ائدیبلر.

قید ائدک کی، بوندان اول بین‌الخالق عفو تشکیلاتی ایران حبسخانالاری ایله باغلی یایدیغی ۱۰۸ صحیفه‌لیک حساباتدا اورمییا حبسخاناسینین ان قورخولو و انتحار سایینین چوخ اولدوغو حبسخانالاردان بیری کیمی قید ائدیب.