ارمنستانلا آذربایجان آراسیندا صلح سازیشی ۲۰۲۴-جو ایلده امضالاناجاق.

Axar.az خبر وئریر کی، بو ادعا ایله قفقاز اوزره ایرانلی اکسپرت قاسم مؤمنی ایلنا-یا مصاحیبه‌سینده چیخیش ائدیب.

اونون سؤزلرینه گؤره، هر ایکی اؤلکه غربین دسته‌یی ایله صلح الده ائده بیله‌جک:

«آذربایجان و ارمنستان آراسیندا سیاسی مناسیبتلرین مذاکیره‌سی، صلح سازیشینین امضالانماسی و هر ایکی طرفین سفیرلیکلرینین آچیلماسی، سازیشین حیاتا کئچیریلمه‌سی ایله باغلی بیر نتیجه‌یه گلمه‌لی اولدوقلاری مسئله‌لردندیر. بو سببدن اینانیرام کی، ۲۰۲۴-جو ایلده غربین دسته‌یی ایله ارمستان و آذربایجان بیرلیکده صلح سازیشی امضالایاجاق».

او، ایکی اؤلکه آراسیندا ضلحون تامین اولونماسیندا روسیه‌نین ماراغینا دا توخونوب:

«روسلار بیرباشا و یا دولاییسی ایله آذربایجانلا ارمنستان آراسیندا ضلحون برقرار اولماسی مسئله‌سینده اؤز ماراقلارینی ملاحظه ائدیبلر. نظره آلماق لازیم‌دیر کی، روسییادا ۴ میلیونا یاخین ارمنی یاشاییر. دیگر طرفدن روسییا اوردوسو هله ده ارمنستاندا یئرله‌شیر و بو اؤلکه‌ده بیر نئچه حربی بازاسی وار. بونا گؤره ده دوشونوره‌م کی، اگر مسکوا ارمنستان طرفیندن تهلکه حس ائتسه، چوخ گمان کی، بالانسی پوزاجاق. سؤزوگئدن معلوماتلارا و دونیانین حاضیرکی وضعیتینه نظر سالدیقدا دقته آلینمالی مقام بودور کی، روسلار غربین و خصوصیله ناتونون اؤز عنعنه‌وی تأثیر دایره‌سینده تضییق گؤسترمه‌سینی و موجودلوغونو ایسته‌میرلر...».