تبریزدن اولان تانینمیش سیاسی فعال، ایش آدامی و مئدیا فعالی مسعود حسابگرین ایتکین دوشدوکدن ۱ آی سونرا اؤلدویو معلوم اولوب.

Axar.az خبر وئریر کی، بو باره‌ده اونون یاخینلاری معلومات وئریب.

اونون هان‌سی سبب‌دن و هارادا اؤلدویو باره‌ده دقیق معلومات وئریلمه‌ییب.

یئرلی اینسان حاقلاری فعاللاری مسعود حسابگرین تهلوکه‌سیزلیک مأمورلاری طرفیندن اؤلدورولدویونو ادعا ائدیرلر.

قید ائدک کی، تبریزلی فعال اصلاحات‌چی قوروم اولان "ندای ایرانیان" پارتیاسینین شرقی آذربایجان اوزره مسئولو ایدی. او، ۲۰۱۳-جو ایل سئچکیلرین‌ده کئچمیش پرزیدنت حسن روحانینین گنجلر هئیتینین باشچی‌سی، سون پرزیدنت سئچکیلرینده پرزیدنت‌لییه نامیزد همدان‌لی عبدالناصر همتینین سئچکی قرارگاهینین رهبری اولوب.

اختصاصجا مهندیس اولان مسعود حسابگر هم ده شرقی آذربایجان ایالتینین اقتصادی سیمالارین‌دان بیری، اوسکو شهریندکی "باراما" لاییحه‌سینین اینوستورو ایدی.

آذربایجان‌لی فعال بوندان اول حاضردا حاکمیت‌ده اولان محافضه‌کار سیاسی جیانین سئچکیلرده ساختاکارلیغ و حاکمیتی منیمسدیی ایله باغلی چوخ سایلی تنقیدی چیخیشلاری ایله تانینیردی.