زهرلی صنایع توللانتیلاری اردبیلین گؤرمه‌لی یئرلریندن اولان طبیعی شورابیل گؤلونه بوراخیلیر.

Axar.az خبر وئریر کی، بو باره‌ده یئرلی اکوفعاللار معلومات یاییب.

بیلدیریلیب کی، کیمیوی صنایع توللانتیلاری ایله یاناشی، خسته‌خانالارین طبی توللانتیلاری دا گؤله آتیلیر.

فعاللار گؤلده اولان سو جانلیلاری، چوخ سایدا موسومی و دایمی قوش نوعلرینین اؤلدویونو بیلدیریبلر.

قید ائدک کی، ایران‌دا یگانه شهرداخیلی طبیعی گؤل اولان شورابیل اردبیل ایالتینین مهم توریزم امکانلاریندان بیریدیر و طبیعی ارث ساحه‌سینده خصوصی اهمیت کسب ائدیر.

شهرین ۳ کیلومتر جنبوندا، ۱ کیلومتر اوزونلوغو، ۵۰۰ متر ائنی و ۱۸۰ هکتار عمومی ساحه‌سی اولان گؤل دنیز سوییه‌سیندن ۱۳۵۰ متر یوکسکلیکده یئرلشیر.

گئولوژی تدقیقاتلارین نتیجه‌لرینه گؤره، اورمییا گؤلوندن داها قدیم اولان شورابیل ۲۰۲۳-جو ایلین ایون آییندا ایران ملی اثرلر سیاهیسینا سالینیب.