تهرانین ائوین حبسخاناسین‌دا ساخلانیلان ۷۱ یاش‌لی سیاسی محبوس و مدنی فعال راحله رحیمی‌پورون بئیین شیشی و اورک چاتیشمازلیغیندان اذیت چکمه‌سینه باخمایاراق، معالیجه‌سینه اجازه وئریلمیر.

Axar.az خبر وئریر کی، بو باره‌ده اونون عائله‌سی معلومات یاییب.

«خانیم رحیمی‌پور بیر چوخ خسته‌لیکلردن، او جمله‌دن بئیین شیشین‌دن اذیت چکیر و خصوصی معالیجه‌یه احتیاجی وار، آنجاق مدنی فعالین مجبوری حجاب قایدالارینا عمل ائتمه‌مه‌سی سببیندن حبسخانا رهبرلییی اونون حبسخانادان کنار طب مرکزینه گؤندریلمه‌سینین قارشی‌سینی آلیر»،- معلوماتدا بیلدیریلیب.

قید ائدک کی، رحیمی‌پور ایران‌دا سیاسی محبوسلارین، او جمله‌دن قارداشی و قارداشی اوغلونون اعدامینا اعتراض ائتدیینه گؤره حبس ائدیلیب و بیر نئچه ایل محکوملوق دورو یاشاییب. او، سون دفعه ۱۹ نیابر ۲۰۲۳-جو ایلده «حاکمیته قارشی تبلیغات»دا گناهلاندیریلاراق، ۵ ایل آزادلیقدان محروم ائدیلیب.