ایکی هفته‌لیک نوروز بایرامی تعطیللرینده شرقی آذربایجان ایالتینه ۴ میلیون ۲۵۶ مین نفر سفر ائدیب.

Axar.az خبر وئریر کی، بونو ایالتین مدنی ارث، توریزم و ال ایشلری اداره‌سینین رهبری احمد حمزه‌زاده دئییب.

او، ۱ میلیون ۳۲۲ مین نفرین توریستیک مکانلاری، ۲۰۸ مین نفرین ایسه ایالتین موزئیلرینی زیارت ائتدیینی سؤیله‌ییب.

«تاریخی کندوان کندی، ایستفان کلسه‌سی، آذربایجان موزئیی، قاجار ​​موزئیی، کنستیتوسیا موزئیی و گؤی مسجد ایالتین ان چوخ زیارت ائدیله‌ن توریستیک یئرلری اولوب»،- حمزه‌زاده بیلدیریب.

یئرلی توریست شرکتلری و بو ساحه‌نین فعاللاری ایسه حمززاده-نین ادعاسینین حقیقته اویغون اولمادیغینی دئییبلر.

قید ائدک کی، بیر نئچه گون اول شرقی آذربایجانین والسی مالک رحمتی مدیایا مصاحبه‌سینده ایالته گلن توریستلرین سایی ایله باغلی وئریله‌ن معلوماتلارین رئال اولمادیغینی سؤیله‌ییب.

او، بایرام گونلرینده شرقی آذربایجانا توریست سفرلرینین آرتیمینین قیده آلینمادیغینی بیلدیریب.