اسلام انقلابی کشیکچیلری کورپوسونون یوکسک روتبهلی ظابطینین اؤلومونه سبب اولان اسرائیلین سورییا پایتاختیندا ایران کونسوللوغونا راکت هجومو تهران طرفیندن جوابسیز قالمایاجاق.
Axar.az خبر وئریر کی، بو سؤزلری چینلی پولیتولوگ تانق بوهو «فنخوانق» پورتالینا دئییب.
اکسپرت ایرانین قیصاص مقصدی ایله آتا بیلجیی آددیملارا دقت چکیب:
«اولا بیلر کی، بو، آمریکانین بؤلگهدهکی حربی اوبیکتلرینه هجوملار و یا اسرائیل اراضیسینه ضربهلر ائندیرمک فورماسیندا حیاتا کئچیریلهجک. یمن حوثیلرینین قیرمیزی دنیزده فعاللاشماسی دا ممکندور».
او، تئل-اویوین ایران سفیرینین حرکتلری ایله باغلی دا دقیق معلوماتلارا صاحب اولدوغونو بیلدیریب:
«حادثه یئریندن چکیلمیش کادرلارا اساساً بئله قناعته گلمک اولار کی، اسرائیل طرفی گ.پ.س ایله اداره اولونان دقیق بمبالاردان استفاده ائدیب و بو دا هدفی دقیق وورماغا امکان وئریب. کونسوللوق تمامیله داغیلسا دا، ایقامتگاهی همین بینادا یئرلشن ایران سفیری خسارت آلماییب. بو، تل-اویوین دیپلماتیک میسیا رهبرینین حرکتلری بارهده دقیق معلوماتا مالیک اولدوغونو گؤستریر».