قاشقایی تورکلری فارس ایالتینین ایران پارلامنتین‌ده‌کی تمثیل‌چیسی جلال رشیدی کوچی‌‍نین آذربایجان رسپوبلیکاسی ایله باغلی تهدید چیخیشلارینا مناسیبت بیلدیریبلر.

Axar.az خبر وئریر کی، بو باره‌ده یئرلی قاشقایی منبع‌لر معلومات یاییب.

قاشقایی فعاللار ایران‌لی ملت وکیلینین ائوینین قاپیسی و دیوارلارینا آذربایجان و فارس دیللرینده یازیلمیش خبردارلیق ورقه‌لری یاپیشدیریبلار.

«جناب رشیدی کوچی، آذربایجان رسپوبلیکاسینا قارشی اولان تهلوکه بیزه، هم ده قاشقایی تورکلرینه قارشی تهلوکه‌دیر. منطیق‌سیز بیاناتینیزدان ال چکمیینیز باره‌ده سیزه خبردارلیق ائدیریک. صبریمیزین حدی وار و بوندان کنارا چیخسانیز، پشمان اولاجاقسینیز. یاشاسین آذربایجان!"،- ورقه‌لرده یازیلیب.

قید ائدک کی، اسرائیلین دمشق شهرین‌ده سپاه کماندیرلرینین استفاده ائتدیی بینایا ضربه ائندیرمه‌سیندن سونرا جلال رشیدی کوچی آذربایجان رسپوبلیکاسینا قارشی تهدیدآمیز ایفاده‌لر ایشلدیب. او، اسرائیلین آذربایجان‌داکی دیپلماتیک نمایندلیینه هجوم ائتمیی توصیه ائدیب.