ماراغاداکی «کاوه» سودا فابریکینین چیرکاب سو حوضه‌لاری آچیق هاوادا یئرلشدیی اوچون هئچ بیر داشقیندان، سئل‌دن سیغورتالانمیر.

Axar.az خبر وئریر کی، بونو ایران‌لی اکولوژی فعال، اکسپرت احمد بایبوردی دئییب.

موجود وضعیت‌دن ناراحاتلیغینی ایفاده ائد‌ن بایبوردی بیلدیریب کی، فابریکین توللانتیلاری کند تصروفاتینا جدی زیان وورور:

«فابریکین کانالیزاسییا آنبارلارینین ساحه‌سی، تخمیناً، ۱۳۰ هکتاردیر. چیرکاب سو و توللانتیلارین بوراخیلدیغی اراضی – چیرکله‌نمه ساحه‌سی یاغیش و داشقین زامانی بؤلگه اوچون بؤیوک تهلوکه یارادیر. بو، اکین ساحه‌لرینه، اوتلاق ساحه‌لرینه و یئرآلتی سولارینا جدی زیان وورور. توللانتی سولارینین اطراف اراضیلره داخیل اولماسی سببین‌دن بیناب‌دا ۵۰۰ هکتاردان، ماراغادا ایسه ۳۰۰ هکتاردان چوخ کند تصروفاتی ساحه‌سی تمامیله محو اولوب»،- بایبوردی بیلدیریب.

قید ائدک کی، هر گون ماراغادا «موسو دره‌سی» آدلانان اراضی‌ده ۲۰۰۰ تونا یاخین تهلوکه‌لی، تمامیله قلوی و آممونیاکلا چیرکلنمیش توللانتی باسدیریلیر، توللانتیلارینین بیر حیصه‌سی ایسه بورو کمرلری واسطه‌سیله اورمو گؤلونه یؤنلدیلیر.