تهلکه‌سی‌لیک مأمورلاری تبریزده یاشایان ملی فعال جبراییل پاکروحو حبس ائد‌رک نامعلوم یئره آپاریبلار.

Axar.az خبر وئریر کی، بو باره‌ده اونون عائله عضولری معلومات یاییب.

بیلدیریلیب کی، هئچ بیر محکمه حکمو اولمادان مأمورلار پاکروحون شخصی منزیلینه هجوم ائدیب و اونو اؤزلری ایله آپاریبلار.

جبراییل پاکروحون اؤولادلاری ویدئو یایاراق، آتالارینین طالعیی باره‌ده معلومات آلماق اوچون تهلکه‌سیزلیک قوروملارینا گئتدیکلرینی، عایدیاتی قوروملارین دقیق جاواب وئرمکدن امتیناع ائتدیکلرینی دئییبلر.

اونلار فعالین یاشلی اولدوغو و بیر نئچه خسته‌لیکدن اذیت چکدیی اوچون حیاتینین تهلکه‌ده اولدوغونو بیلدیریبلر.

قید ائدک کی، بوندان اول ده جبراییل پاکروح میللی فعاللاردان اولان اوغلو فرهاد پاکروحون حبسی و اونا قارشی تضییقلرله باغلی وئردیی آچیقلامالارا گؤره اینجیدیلیب. او، تهلکه‌سیزلیک اداره‌سینه چاغیریلیب، ساعتلارلا دیندیریلیب و بیر نئچه گونلویونه حبس‌ده ساخلانیلیب.