"خبر گلوبال" ایران پرزیدنتی ابراهیم رئیسی و نماینده هیئتینین هلاک اولدوغو هلیکوپتر قضاسینین سببلرینین آراشدیریلماسی ایله علاقه‌دار وئریلیش حاضرلاییب.

Axar.az خبر وئریر کی، وئریلیشین قوناقلاری مهندس پیلوت احمد ایزگی، استانبول گئلیشیم اونیورسیتتینین دکتورانتی علی سمین و چاغ اونیورسیتتینین معلمی، پروفسور موراد کوچ اولوبلار.

مهندس پیلوت احمد ایزگی هلیکوپترلرین استفاده مدتینین نه قدر چوخ اولماسینین اؤنم کسب ائتمدیینی دئییب:

«آویاسییا واسطه‌لری واختیندا تعمیر اولونارسا، اونلار اوزون مدت استفاده ائدیله بیلر. خصوصیله ده موتورلاری دییشدیریلیبسه، اونون یاشی اؤنملی دئییل. بو باخیم‌دان حساب ائدیرم کی، قضانین اساس سببی الوئریشسیز هوا شرایطی‌دیر. هلیکوپترین آنی دومان ایچینده قالماسی وضعیتی اولدوقجا چتینلشدیریب. دوشونون کی، ۱۵۰ کیلومتر سرعتله گئدن آوتوموبیلین شوشه‌لری بیر آندا آغ دومانلا احاطه‌لنیر. بئله اولاندا پیلوتون نه حس ائتدیینی آنلاماق ممکوندور. بوتون بونلار پیلوتون پسیخولوگییاسینا دا تاثیرسیز اؤتوشمور. او، بئله بیر وضعیتده هارادا اولدوغونو و همین هیجانلا نه ائدجیینی بیلمیر».

"اگر هلیکوپتر هوادا وورولاراق یئره دوشموش اولسایدی و یا هوادا پارتلایش باش وئرسیدی، اونون یئرده‌کی پارچالاری بیر نئچه یوز متر، حتی کیلومتر اراضییه داغیلمیش اولاردی. لاکن قضا یئریندن یاییملانان گؤرونتولره باخاندا هلیکوپترین موتورو ایله گؤوده‌سی آراسینداکی مسافه بیر نئچه متردیر. یعنی، بو گؤرونتولر بیزه هلیکوپترین قضا نتیجه‌سینده یئره چیرپیلدیغینی دئمه‌یه امکان وئریر. عینی زماندا اؤلنلرین ده بدنلرینین پارچالانمادیغینی مشاهده ائدیریک. اگر یوخاریدا بیر پارتلایش اولسایدی و یا هلیکوپتر وورولسایدی، انسان بدنینین حصه‌لرینین یوزلرله متر اراضییه داغیلدیغینین شاهدی اولاردیق"، - ایزگی وورغولاییب.

وئریلیشده هلیکوپتر قضاسینین نئجه باش وئرمه‌سی ایله علاقه‌دار ملاحظه‌لر ایر‌لی سورولوب و موضوع باره‌ده مذاکره‌لر داوام ائتدیریلیب.